ពិសេសខ្លាំងណាស់! គន្លឹះ ៥ ​ដ៏អស្ចារ្យ​ជួយ​ឱ្យ​កូន​អ្នក​ឆាប់លូត​កម្ពស់​កាន់តែប្រសើរ​

កម្ពស់​របស់​មនុស្សយើង​ ​ក៏​ជាផ្នែក​មួយ​ដែល​ធ្វើ​ឱ្យ​មាន​ភាព​ទាក់ទាញ​ផង​ដែរ​។​ ​ឪពុក​ម្តាយ​ជាច្រើន​ប្រហែល​មានការ​ព្រួយបារម្ភ​ចំពោះ​ការលូតលាស់​របស់​កូន​ៗ​។​ ​ការ​លូត​កម្ពស់​របស់​កុមារ​ ​ពាក់​ព័ន្ធ​ទៅ​នឹង​កត្តា​ច្រើនយ៉ាង​ ​ដូចជា ​បញ្ហា​តំណពូជ​ ​របប​អាហារ​ ​បញ្ហា​ដំណេក​ ​និង​សកម្ម​ភាព​ផ្សេង​ៗ​ក្នុង​ការរស់នៅ​ប្រចាំថ្ងៃ​ផង​ដែរ​។​

តើធ្វើដូចម្តេចដើម្បីឪ្យកូនរបស់អ្នកឆាប់លូតកម្ពស់?

ថ្ងៃនេះ​ ​គេហទំព័រ​ ​ ​www.parenting-tip.com​ ​សូម​លើកយក​វិធី​ចំនួន៥យ៉ាង​ ​ជួយ​ដល់ប៉ាម៉ាក់​ដែល​កំពុង​បារម្ភ​ ​និង​រិះរក​មធ្យោបាយ​ ​ដើម្បី​ជួយ​ដល់​កូន​ៗ​របស់​ខ្លួន​ ​ដើម្បី​ឱ្យ​ពួកគេ​មាន​កម្ពស់​សមស្រប​។​ ​ចំណុច​ទាំង៥នោះ​រួមមាន​៖​

តិចនិកពន្លូតកម្ពស់ដែលមានប្រសិទ្ធភាព - HEALTHTIME

១​.​ទម្លាប់​នៅក្នុង​ការ​បរិភោគ​អាហារ​ ​(​Healthy​ ​Eating​ ​Habits​)

អាហារ​ ​គឺជា​តម្រូវការ​ចាំបាច់​សម្រាប់​ចិញ្ចឹម​ ​និង​ទ្រទ្រង់​សុខភាព​រាងកាយ​ឱ្យ​មាន​សុខភាព​ល្អ​។​ ​ការ​ជ្រើសរើស​របប​អាហារ​សម្រាប់​កុមារ​ញ៉ាំ​បាន​ត្រឹមត្រូវ​ ​គឺជា​ការ​កត្តា​សំខាន់​មួយ​ក្នុង​ការ​ជួយ​ដល់​ការលូតលាស់​កម្ពស់​របស់​ពួកគេ​។​ ​ប្រភេទ​អាហារ​ដែល​មាន​ផ្ទុក​នូវ​សារធាតុ​ប្រូតេអ៊ីន​ ​(​Protein​)​ ​បាន​ដើរតួ​នាទី​យ៉ាង​សំខាន់​ ​នៅក្នុង​ការ​ជួយ​ពន្លូត​កម្ពស់​កុមារ​ ​ដែល​ភាគច្រើន​មាន​ដូចជា​ ​ស៊ុត​ ​និង​សណ្តែក​ ​ជាដើម​។​ ជាមួយគ្នា​នោះ​ដែរ​ ​លោកអ្នក​ត្រូវ​ប្រាកដ​ថា​ ​កូន​ៗ​ទទួល​បាន​របប​អាហារ​ដែល​មាន​សារធាតុ​វីតាមីន​(​vitamins​)​ ​និង​សារធាតុ​រ៉េ​(​minerals​)​គ្រប់គ្រាន់​ ​មាននៅ​ក្នុង​ប្រភេទ​បន្លែ​ផ្លែឈើ​មួយចំនួន​ដូចជា​ ​ស្ពៃខ្មៅ​ ​ការ៉ុត​ ​ស្វាយ​ ​ជាដើម​។​

២​.​ហាត់ប្រាណ​ឲ្យ​ទៀងទាត់​ ​(​Regular​ ​Exercise​)​

ការ​ធ្វើលំ​ហាត់ប្រាណ​ជាប្រចាំ​ ​និង​ទៀងទាត់​ ​ជួយ​ឱ្យ​សាច់ដុំ​កុមារ​លូតលាស់​បាន​ប្រសើរ​។​ ​ក្មេង​ដែល​មានទម្លាប់​ហាត់ប្រាណ​ជា​ទៀងទាត់​ ​មានការ​លូតលាស់​ ​ឆាប់​ធំជាង​ក្មេង​ដែល​មិន​ធ្វើលំ​ហាត់ប្រាណ​។​ ​លោកអ្នក​អាច​នាំ​កូន​ៗ​ ​ធ្វើលំ​ហាត់ប្រាណ​ ​ដូចជា​ ​ហែលទឹក​ ​ធ្វើ​យោ​ហ្គា​ ​រត់​ ​ជាដើម​។​

​៣​.​គេង​ឱ្យ​បាន​គ្រប់គ្រាន់​ ​(​Adequate​ ​Sleep​)​

ជាទូទៅ​ ​រាងកាយ​របស់​កុមារ​ផលិត​អ​រម៉ូន​ផ្សេង​ៗ​ ​ក្នុងអំឡុងពេល​ដែល​ពួកគេ​គេង​។​ ​ការ​គេង​បាន​គ្រប់គ្រាន់​ ​នឹង​ជួយ​ដល់​ការលូតលាស់​របស់​ពួកគេ​ផង​ដែរ​។​ ​កុមារ​ទើប​ចេះ​ដើរ​តេះតះ​ ​ត្រូវការ​គេង​ ​ចន្លោះ​ពី១១​ ​ទៅ១៣ម៉ោង​ ​ក្នុង​មួយថ្ងៃ​ ​ខណៈ​ពេល​កុមារ​ដែល​មាន​អាយុ​ចូលរៀន​ ​ត្រូវការ​គេង​ចន្លោះ​ពី១០ទៅ១១ម៉ោង​។​

When can a baby sleep on the stomach and don't need turned over - Insider

៤​.​មាន​អាកប្ប​កិរិយា​ល្អ​ ​(​Good​ ​Posture​)​

ការ​មាន​អាកប្ប​កិរិយា​ល្អ​ក្នុង​ការរស់នៅ​ ​គឺជា​វិធី​ល្អ​ប្រសើរ​បំផុត​ ​ជួយ​ឱ្យ​កុមារ​ឆាប់​លូត​កម្ពស់​ផង​ដែរ​។​ ​អាណាព្យាបាល​គួរតែ​ប្រាប់​កូន២អំពី​រឿង​នេះ​ ​ប្រសិនបើ​ពួកគេ​ចង់​លូត​កម្ពស់​ ​ដូចជា​ ​ត្រូវ​ដើរ​ឱ្យ​ត្រង់​ ​ឈរ​ឱ្យ​ត្រង់​ ​អង្គុយ​ឱ្យ​ត្រង់​ ​ជាដើម​។​

៥​.​ញ៉ាំទឹក​ដោះ​គោ​ឱ្យ​បាន​ទៀងទាត់​ ​(​Drink​ ​Milk​ ​Regularly​)​

កាល់ស្យូម​ ​(​Calcium​)​ដើរតួ​នាទី​យ៉ាង​សំខាន់​ ​ក្នុង​ការ​អភិវឌ្ឍ​រចនាសម្ព័ន្ធ​ឆ្អឹង​របស់​កូន​អ្នក​។​ ​ទឹកដោះគោ​ ​គឺជា​ប្រភព​កាល់ស្យូម​ដ៏​សម្បូរ​បែប​។​ ​ទឹកដោះគោ​ដែល​ពួកគេ​ញ៉ាំ​រាល់ថ្ងៃ​ ​នឹង​ត្រូវ​ទៅ​បំពេញ​រាល់​តម្រូវការ​កាល់ស្យូម​ប្រចាំថ្ងៃ​ ​ដែល​ពួកគេ​ខ្វះខាត​ ​និង​ដើម្បី​បង្កើន​ការលូតលាស់​ផ្នែក​ឆ្អឹង​របស់​កុមារ​៕​