ការពារកូនចុកពោះពោះ! អ្នកម៉ាក់ដែលបំបៅដោយទឹកដោះ អាចច្របាច់ឬបូមបានត្រឹមតែ
សម្រាប់អ្នកម្តាយ ដែលរវល់នឹងការងារ តែចង់ឲ្យកូនបន្តការបៅទឹកដោះម្តាយ អ្នកអាចច្របាច់ទឹកដោះទុក ដើម្បីឲ្យអ្នកមើលថែ ធ្វើការបំបៅឲ្យកូនរបស់អ្នក។
យ៉ាងណាមិញ តើទឹកដោះនោះ អាចរក្សាទុកបានប៉ុន្មានម៉ោង ហើយគួរថែរក្សាបែបណាទៅ?
បើតាមប្រសាសន៍របស់លោកវេជ្ជបណ្ឌិត ប៉ែន កក្កដា ឯកទេសរោគកុមារ និងទារក នៅមន្ទីរពេទ្យកុមារជាតិ បានឲ្យដឹងថា ៖
- បើសិនក្នុងសីតុណ្ហភាពធម្មតា វាអាចរក្សាទុកបានរយៈពេល ៤ ម៉ោង
- ក្នុងទូរទឹកកក អាចបាន ២៤ ម៉ោង
- ក្នុងទូរទឹកកក (៤ អង្សារសេ) អាចរក្សាទុកបាន ៤៨ ម៉ោង
- បើនៅកន្លែងកក អាចបានដល់ទៅ ៣ ខែ
- ហើយបើនៅសីតុណ្ហភាព <- ២០ អង្សារសេ អាចបាន ៦ ខែ៕
សរុបមក៖ ទឹកដោះម្តាយយើងអាចទុកបាន ៤ម៉ោងក្នុងសិតុណ្ហភាពធម្មតា ហើយ ២៤ម៉ោងក្នុងទូរទឹកកក អ៊ីចឹងយើងនៅតែអាចបំបៅកូនដោយទឹកដោះម្តាយបាន ដោយមានយាយ ឬបងប្អូនជួយបញ្ចុកកូន ហើយសូមឪ្យថែរក្សារអនាម័យជានិច្ច ជៀសវៀងប៉ះពាល់ខូចសុខភាពកូន។
