ការអភិវឌ្ឍន៍ខួរក្បាលរបស់កុមារ!អាយុ៣ឆ្នាំដំបូង
ខួរក្បាលរបស់កុមារមានការរីកចម្រើនទៅតាមរយៈបទពិសោធន៍ដែលទទួលបានក្នុងអំឡុងពេលនៃការអភិវឌ្ឍន៍។ រយៈពេល៣ឆ្នាំដំបូងនៃជីវិត គឺជាដំណាក់កាលលូតលាស់មិនគួរឲ្យជឿនៅក្នុងគ្រប់វិស័យទាំងអស់នៃការអភិវឌ្ឍរបស់ទារក។
ខួរក្បាលកុមារទើបនឹងកើត គឺមានទម្ងន់ប្រហែលជា ២៥ភាគរយប៉ុណ្ណោះនៃទម្ងន់ខួរក្បាលរបស់មនុស្សពេញវ័យ ប៉ុន្តែនៅអាយុ៣ឆ្នាំ វាបានរីកចម្រើនយ៉ាងខ្លាំង ដោយការផលិតកោសិការាប់លាន និងរាប់ពាន់លាននៃការផ្សារភ្ជាប់គ្នារវាងកោសិកាទាំងនេះ។
ក្នុងអំឡុងពេល៣ឆ្នាំដំបូង ខួរក្បាលរបស់កុមារមានទម្ងន់កើនឡើង៣ដង និងបង្កើតការតភ្ជាប់សរសៃប្រសាទប្រហែលជា ១,០០០លានឯណោះ។
ដូច្នេះក្នុងអំឡុងពេល៣ឆ្នាំដំបូងនេះ អាណាព្យាបាលទាំងឡាយគួរតែផ្តល់អាហារណាដែលជួយជំរុញដល់ការអភិវឌ្ឍន៍ខួរក្បាលកុមារ អោយបានច្រើន។ ម្យ៉ាងវិញទៀតក្នុងដំណាក់កាលនេះ កុំបង្រៀន ឬបង្ហាញកាយវិកាយមិនល្អឲ្យកូនឃើញឲ្យសោះ ព្រោះពួកគេអាចឆាប់ចាប់បាន ហើយមិនងាយកែឡើយ៕
ប្រភព៖ Parents.com
