សារដាស់តឿន! ម៉ាក់ៗក្រោយសម្រាលត្រូវមើលមាត់កូនប្រយ័ត្នជាប់គល់អណ្ដាត (មានវីដេអូ)

មាន​ក្មេង​ៗ​មួយចំនួន ​មិន​ថា​ប្រុស ឬ​ស្រី​ឡើយ​ មាន​បញ្ហា​ជាប់​គល់​អណ្ដាត ។ ជាប់​គល់​អណ្ដាត​នេះ កើតឡើង​ដោយសារ​សរសៃ​ស្ដើង​ជាប់​ជាមួយ​នឹង​គល់​អណ្ដាត។

ការជាប់បបូរមាត់លើ (Lip Tie or Superior Labial Tie) គឺជាការជាប់តឹងនូវថ្នេរសាច់កណ្តាលបបូរមាត់ជាមួយនឹងអញ្ចាញធ្មេញលើ។ ការជាប់នេះក៏មានច្រើនដូចការជាប់គល់អណ្តាតដែរ។

ទារកពេលដែលភ័យម្តងៗ អ្នកម្តាយគួរតែធ្វើម៉េចទៅ? | Health.com.kh

(រូបទី០១) គឺក្មេងដែលជាប់បបូរមាត់លើ ធ្វើអោយគាត់រលាកអញ្ចាញលើរ៊ាំរៃ នាំអោយអញ្ចាញដុះហើយស្ទើរតែគ្របជិតធ្មេញ ហើយគាត់ឧស្សាហ៍ហូរឈាមអញ្ចាញ តែពេលនេះគាត់ទទួលបានការព្យាបាលរួចហើយ។

ក្មេង​ដែល​មាន​ជាប់​គល់​អណ្ដាត​មាន​ផល​វិបាក​មួយ​ចំនួន​ដូចជា ​ពិបាក​បញ្ចេញ​សំឡេង​ និយាយ​មិន​សូវ​ច្បាស់ ហើយ​សម្រាប់​ក្មេង​នៅ​តូច​វិញ​ពិបាក​ជញ្ជក់​បៅ បៅ​ឈ្លក់ បៅ​មិន​គ្រប់ មិនសូវ​ឡើង​គីឡូ ព្រោះ​មាន​សភាព​តឹង ហើយ​នៅ​ពេល​កូន​ធំ​ឡើង​ទៅ​ជួប​បញ្ហា​អនាម័យ​មាត់​ធ្មេញ។ ទោះ​វា​គ្រាន់តែ​ភាព​មិន​ប្រក្រតី​តិចតួច​មែន តែ​បើ​កូន​ជាប់​អណ្ដាត​កម្រិត​ធ្ងន់ធ្ងរ​អាច​ធ្វើឲ្យ​ទារក​ពិបាក​ដកដង្ហើម​តាម​មាត់។

ក្រៅពីការជាប់នេះវាធ្វើអោយប៉ះពាល់ដល់ក្មេងដូចជា :

  • ពិបាកមឹម
  • ពិបាកដកដង្ហើម (ជាពិសេសពេលមឹម)
  • ប៉ះពាល់សុខភាពមាត់ធ្មេញ អញ្ចាញ
  • រលាកអញ្ចាញរ៊ាំរៃ
  • ហូតឈាមអញ្ចាញរ៊ាំរៃ
  • ប៉ះពាល់ដល់ការលូតលាស់ ឡើងទំងន់
  • ប៉ះពាល់ដល់ការនិយាយ។
Image result for normal baby gums vs teething gums

វាក៏ធ្វើអោយប៉ះពាល់ដល់ម្តាយផងដែរ ជាពិសេសគឺអាចអោយឈឺដោះពេលបំបៅកូន។

ការព្យាបាលគឺកាត់សាច់ដែលជាប់នោះចេញពីបបូរមាត់។

ដកស្រង់ពី៖ វេជ្ជ.ហ៊ាង រតនា