ប៉ាម៉ាក់មិនគួររំលងនោះទេ! ការងារទាំង ៦ ប្រភេទដែលលោកអ្នកគួរបង្រៀនកូន
ឪពុកម្ដាយគ្រប់រូបតែងតែចង់ឲ្យកូនៗក្លាយទៅជាបុគ្គលដ៏ល្អ មានភាពប៉ិនប្រសប់ និងច្នៃប្រឌិតខ្ពស់នៅក្នុងការងារក៏ដូចជានៅក្នុងសង្គមផងដែរ។ ប៉ុន្តែនៅពីក្រោយភាពប៉ិនប្រសប់ទាំងនោះ ពួកគេត្រូវការការប្រៀនប្រដៅ និងការរៀនសូត្រឲ្យបានម៉ត់ចត់ពីវ័យក្មេងទៅដើម្បីធ្វើជាគ្រឹះសម្រាប់អនាគតរបស់ពួកគេ។ ដូចនេះលោកអ្នកជាឪពុកម្ដាយគួរមានកិច្ចការងារផ្សេងៗដើម្បីបង្រៀនពូកគេឲ្យបានត្រឹមត្រូវ។
តើមានការងារអ្វីខ្លះដែលប៉ាម៉ាក់គួរបង្រៀនកូនរបស់នាក់?
ថ្ងៃនេះ ពេទ្យយើងសូមបង្ហាញការងារទាំង ៦ ប្រភេទដែលលោកអ្នកគួរបង្រៀនកុមារ៖
១. ចម្អិនម្ហូប៖ កុមារភាគច្រើនគឺមានចំណង់ចំណូលចិត្តខ្ពស់ក្នុងការធ្វើម្ហូប។ លោកអ្នកគួរឲ្យពួកគេជួយលោកអ្នកធ្វើម្ហូបដូចជា លាងបន្លែ ផ្សំគ្រឿង រើសសាច់ ក្រឡុកគ្រឿងជាដើម។ ការអនុវត្តបែបនេះជួយឲ្យកុមារមានទេពកោសល្យក្នុងការធ្វើម្ហូប ប៉ុន្តែលោកអ្នកក៏ពុំគួរបណ្ដោយឲ្យពួកគេធ្វើការងារណាដែលធ្ងន់ៗ ឬមានគ្រោះថ្នាក់នោះទេ។
២. ផាត់ពណ៌៖ ការផាត់រូបជួយឲ្យកុមារមានគំនិតច្នៃប្រឌិត និងមានសមត្ថភាពគិតបានល្អជាងមុន។ ផ្ដល់ឱកាសឲ្យពួកគេផាត់ពណ៌ដែលពួកគេពេញចិត្តដើម្បីឲ្យពួកគេមានគំនិតផ្ទាល់ខ្លួនក្នុងការបង្កើតអ្វីដែលថ្មី។
៣. រៀបចំ និងសម្អាតកន្លែងគេង៖ កំណត់ឲ្យកុមាររៀបចំកន្លែងគេងរបស់ពួកគេបន្ទាប់ពីគេងរួច ជួយបង្ហាត់ឲ្យពួកគេមានសណ្ដាប់ធ្នាប់ និងរបៀបរៀបរយល្អក្នុងការរស់នៅ។ សម្អាតកន្លែងគេងជួយឲ្យពួកគេមានអនាម័យខ្លួនប្រាណក៏ដូចជាកន្លែងគេងផងដែរ។
៤. លេងកីឡា៖ ការលេងកីឡាជួយឲ្យកុមារមានភាពរហ័សរហួន វាងវៃ និងមានកាយសម្បទារឹងមាំព្រមទាំងជួយពួកគេមានភាពអត់ធននឹងការនឿយហត់ផងដែរ។
៥. អានសៀវភៅ៖ ការអានសៀវភៅជួយបណ្ដុះគំនិត និងភាពច្នៃប្រឌិតដល់កុមារតាមរយៈការស្រមើស្រមៃទៅដល់រូបភាពនៃសៀវភៅដែលពួកគេកំពុងអាន។ មិនតែប៉ុណ្ណោះ វាជួយបង្កើនសមត្ថភាពអាន និងការអានដល់កុមារផងដែរ។
៦. សរសេរសំបុត្រ៖ ជួយឲ្យកុមារមានគំនិតក្នុងការសរសេរ ការចងចាំពាក្យ អក្ខរាវិរុទ្ធ និងរបៀបសរសេរបានយ៉ាងល្អ។
ប្រភពៈ Healthline II https://www.healthline.com/
