ប៉ាម៉ាក់ធ្លាប់សង្កេតទេ! បើកូនមានទេពកោសល្យលើអ្វីមួយ តើមានសកម្មអ្វីខ្លះ?
ដើម្បីអាចដឹងថាកូនមានទេពកោសល្យអ្វីពីកំណើតនោះ យើងមិនចាំបាច់ឡើយក្នុងការបញ្ជូនកូនឲ្យអ្នកជំនាញណាមួយវាយតម្លៃថាកូនមានចំណុចខ្លាំង និងសមត្ថភាពអ្វីនោះ ព្រោះថាក្នុងនាមជាឳពុកម្តាយ
តើប៉ាម៉ាក់អាចសង្កេតមើលកូនបែបណាខ្លះទើបដឹងថាកូនមានទេពកោសល្យផ្នែកណាមួយ?
វិធីងាយស្រួលមួយចំនួនក្នុងការសង្កេត និងកំណត់ដឹងអត្តសញ្ញាណទេពកោសល្យពីកំណើតរបស់កូនបានមានដូចជា៖
១. អង្កេតមើលពេលកូនកំពុងលេង
ពេលកូនកំពុងលេង យើងអាចអង្កេតមើថាតើគេចូលចិត្តអង្គុយស្ងៀមស្ងាត់ ហើយផាត់ពណ៌រូបភាព ឬក៏ពួកគេរីករាយនឹងការរត់ទៅមកទាត់បាល់លេងក្នុងផ្ទះ ឬក្រៅផ្ទះ? ឬក៏កូនចូលចិត្តជីកចូលជ្រៅទៅក្នុងដីស្វែងរកជន្លេន និងសត្វនៅក្នុងដីដ៏គួរឲ្យខ្លាចដទៃផ្សេងទៀត?
រាល់សកម្មភាពដែលពួកគេចូលចិត្តលេង គឺសុទ្ធតែជាតម្រុយល្អដែលអាចដឹងពីអ្វីដែលកូនចាប់អារម្មណ៍ និងប្រសិនបើយើងបន្តតាមមើលសកម្មភាពលេងរបស់ពួកគេ មិនយូរមិនឆាប់ នឹងអាចដឹងពីអ្វីជាចំណុចខ្លាំងរបស់កូន និងអ្វីដែលជាទេពកោសល្យពីកំណើតដែលខ្លាំង និងមិនទាន់រកឃើញ។
២. ឲ្យកូនសាកល្បងអ្វីដែលខុសប្លែកគ្នា
យើងអាចឲ្យកូនជួបនូវបទពិសោធន៍ខុសៗគ្នា និងបណ្ដោយគេឲ្យសាកល្បងរាល់សកម្មភាពគ្រប់ប្រភេទ ដែលកូនអាចនឹងស្វែងយល់ពីអ្វីដែលខ្លួនចូលចិត្ត ឬអ្វីដែលជាចំនុចខ្លាំងរបស់កូនបាន។
ប៉ាម៉ាក់អាចសាកនាំកូនទៅកន្លែងផ្សេងៗ ណែនាំកូនពីទម្លាប់ថ្មីៗ ចូលរួមក្នុងសកម្មភាពសប្បាយៗជាមួយគ្នា ដើម្បីមើលថាតើកូនស្រលាញ់ចូលចិត្តឬអត់។
៣. ស្តាប់កូន
របៀបស្រួលបំផុតក្នុងការស្វែងរកឃើញនិស្ស័យលាក់កំបាំងរបស់កូន គឺគ្រាន់តែសួរពួកគេអ្វីដែលពួកគេចូលចិត្ត តើក្តីសុបិនពួកគេជាអ្វី និងតើនរណាដែលពួកគេចង់ក្លាយខ្លួនដូច ពេលពួកគេធំដឹងក្តីឡើង។
ដកស្រង់ពី៖ Hello Health Group
