ពេលពពោះកើតមានអាការៈនេះ! អាចជាសញ្ញាកូនក្នុងផ្ទៃលូតលាស់មិនល្អនោះទេ
គ្រាន់តែបានដឹងពីការចាប់ផ្តើមបង្កកំណើតរបស់ទារកនៅក្នុងផ្ទៃភ្លាមអ្នកម្តាយក៏នឹកគិតដល់រឿងរ៉ាវជាច្រើនដែលត្រូវធ្វើក្នុងអំឡុងពេល9ខែទៅមុខទៀត ដើម្បីឲ្យកូនដែលនឹងប្រសូតមកមានសុខភាពល្អបរិបូរ។ ក៏ប៉ុន្តែពេលខ្លះមានអ្នកម៉ាក់ខ្លះអាចមានអាការៈមួយចំនួនដែលអាចជាសញ្ញានៃកូនលូតលាស់មិនបានល្អផងដែរ។
តើមានសញ្ញាអ្វីខ្លះដែលបង្ហាញថាកូនក្នុងផ្ទៃលូតលាស់មិនបានល្អ?
ខាងក្រោមនេះ យើងខ្ញុំនឹងបង្ហាញអ្នកពីអាការៈដែលបង្ហាញថា កូនក្នុងផ្ទៃកំពុងតែលូតលាស់យឺត៖
១. នៅពេលដែលទម្ងន់អ្នកម្តាយឡើងមិនលឿន ដោយទម្ងន់ខុសពីធម្មតា មានន័យថា កូនក្នុងផ្ទៃកំពុងតែខ្វះសារធាតុចិញ្ចឹម។ ជាហេតុដែលធ្វើឲ្យគេលូតលាស់យឺត នោះទម្ងន់អ្នកម្តាយក៏មិនឡើងផងដែរ។
២. ក្នុងដំណាក់កាលកណ្តាលនៃការមានផ្ទៃពោះ កូនក្នុងពោះនឹងកម្រើកច្រើនជាងមុន។ ប៉ុន្តែបើកូនមិនសូវកម្រើកនោះទេ មានន័យថា កូនកំពុងតែលូតលាស់មិនបានល្អឡើយ ទើបធ្វើឲ្យគេគ្មានកម្លាំងក្នុងការធ្វើចលនាក្នុងពោះរបស់អ្នកម្តាយ។
៣. នៅពេលដែលអ្នកម្តាយកើតមានអាការៈលើសសម្ពាធឈាម ឬខ្វះឈាម ក៏អាចធ្វើឲ្យកូនក្នុងផ្ទៃលូតលាស់យឺតដែរ។ ដូចនេះ អ្នកម្តាយគួរតែប្រយ័ត្នពីអាការៈទាំងនេះ ទើបអាចដឹងពីស្ថានភាពលូតលាស់របស់កូនក្នុងផ្ទៃ៕
ដកស្រង់ពី៖ health.com
