រឿងងាយៗទេ! ស្វាមីល្អចេះជួយភរិយាពេលជិតសម្រាលតាមរបៀបទាំងនេះ
ស្រ្តីគ្រប់រូបឲ្យតែពេលជិតសម្រាលកូនម្ដងៗ តែងតែមានការឈឺចាប់ និងមានភាពតានតឹងកើនឡើង ពេលនោះហើយ គឺជាពេលដែលម៉ាក់ៗជិតសម្រាលត្រូវការកម្លាំងចិត្តខ្លាំង ជាពិសេសពីប្ដីផ្ទាល់តែម្ដង។ បើមិនដឹងថាគួរជួយប្រពន្ធបានដោយរបៀបណា
តើមានចំណុចណាខ្លះដែលស្វាមីល្អគួរតែមានពេលភរិយាសម្រាល?
ខាងក្រោមនេះជាតិចនិកល្អដែលបានចែករំលែកពីអរឿងនេះ៖
នៅពេលដែលប្រពន្ធជិតសម្រាល តួនាទីជាប្ដីគឺត្រូវតែនៅក្បែរប្រពន្ធរហូត មិនថាក្នុងពេលរៀបសម្រាល ឬសម្រាលកូនរួចទេ អ្នកគួរនៅជិតគាត់ ជួយធ្វើសរសៃ ជួយលួងលោម ព្រោះពេលជិតសម្រាល គាត់ឈឺចាប់ពោះណាស់ ទ្រាំមិនចង់បាន ឃើញមានទឹកភ្នែកផងអីផង។
ក្រៅពីពាក្យលួងលោម និងការនៅក្បែរ ប្តីអាចជួយបន្ធូរអារម្មណ៍ប្រពន្ធបានដោយការធ្វើសកម្មភាពសាមញ្ញៗបានដូចជា៖
- ជួយម៉ាស្សាខ្នង ក្បាល ឬច្របាច់ដៃជើង ដើម្បីកាត់បន្ថយភាពឈឺចាប់របស់ប្រពន្ធ។
- យកកន្សែងត្រជាក់ៗ ជូតមុខ ជូតខ្លួនឲ្យប្រពន្ធ ដើម្បីឲ្យមានអារម្មណ៍ត្រជាក់ស្រួល ធូរស្រាល។
- ជួយប្រពន្ធផ្លាស់ប្តូរចលនា ដើម្បីត្រៀមសម្រាលបានស្រួល។
- ជួយលើកទឹកចិត្តប្រពន្ធ ផ្តល់កម្លាំងចិត្ត ជាដើម។
ពេលខ្លះ ប្រពន្ធអាចមិនឲ្យប៉ះ ឬជួយនៅពេលធ្វើអ្វីមួយ ទោះបីជាបែបនេះក្តី ប្តីគឺត្រូវតែនៅក្បែរ និងស្ដាប់តាមអ្វីដែលប្រពន្ធចង់បាន ហើយត្រូវធ្វើចិត្តអត់ធ្មត់បន្តិច ព្រោះនៅពេលជិតសម្រាល ប្រពន្ធអាចត្អូញត្អែរច្រើន ហើយក៏ឆាប់មួរម៉ៅដែរ ដូចនេះហើយ យើងជាប្ដីត្រូវចេះយោគយល់ដល់ប្រពន្ធ។
ស្ត្រីឈឺពោះសម្រាលកូន បើបានពាក្យផ្អែម២យ៉ាងនេះ ពិតជាអាចកាត់បន្ថយអាការៈឈឺពោះបានមួយចំណែកធំ។ របស់ផ្អែម២យ៉ាងនោះមាន ភេសជ្ជៈផ្អែមៗ និងពាក្យសម្តីផ្អែមៗ។
ដកស្រង់ពី៖ Hello Health Group
