កើតទុក្ខយូរហើយ! វិធីសាស្ត្រកាត់បន្ថយសក់ជ្រុះ ក្រោយសម្រាលកូនរួច
ក្រោយសម្រាលកូនរួច ម៉ាក់ៗជាច្រើនប្រាកដជាជួបបញ្ហាជ្រុះសក់ជាក់ជាមិនខាន ដែលចាស់ៗនិយាយថាកូនស្គាល់មុខ។ ក្នុងនោះដែរ គ្មានវិធីណាទប់ស្កាត់មិនឲ្យមានបញ្ហាបែបនោះឡើយ ក៏ប៉ុន្តែយើងនឹងបង្ហាញអំពីគន្លឹះជួយមិនឲ្យសក់ជ្រុះច្រើន។
តើមានវិធីសាស្ត្រអ្វីខ្លះដែលជួយអ្នកម្តាយក្រោយសម្រាលពុំសូវជ្រុះសក់?
អ្នកធ្វើការផ្នែកធនាគាររូបនេះបានពន្យល់ថា ការជ្រុះសក់ក្រោយសម្រាលកូន មកពីអ័រម៉ូនក្នុងរាងកាយយើងមានការប្រែប្រួល ឬខ្វះខាតវីតាមីន ដូចនេះត្រូវធ្វើដូចខាងក្រោម៖
- កាត់សក់ឲ្យខ្លី កុំឲ្យជំពាក់ ឬស្អិតចុង
- ពិគ្រោះជាមួយគ្រូពេទ្យ ហើយលេបថ្នាំវីតាមីនជំនួយសក់
- កុំប្រើផលិតផលមានជាតិប្រេងដូចជាស្ព្រៃយ៍ ចាហួយលាបសក់
- ប្រើសាប៊ូគ្មានជាតិកាត់ ឬអាចជាសាប៊ូកក់សក់កូនក្មេង ព្រោះគ្មានជាតិប្រេង
- កុំប្រើម៉ាស៊ីនដើម្បីសម្ងួតសក់
- មុនគេងត្រូវរៀបចំខ្នើយកើយឲ្យមានរបៀប និងកុំប្រើស្រោមខ្នើយពពួកស្បៃព្រោះទាក់នឹងសក់
ជ្រុះសក់ក្រោយសម្រាលមិនមែនមកពីកូនស្គាល់មុខទេ តែមកពីអ័រម៉ូនប្រែប្រួល ហើយវាក៏អាចនឹងត្រលប់ទៅសភាពធម្មតាវិញបានដែរ តាមរយៈរបបអាហារ និងការរស់នៅ។ ដូចនេះដើម្បីកាត់បន្ថយម៉ាក់ៗត្រូវ៖
- ញ៉ាំអាហារផ្លែឈើសម្បូរជាតិសរសៃ ប្រូតេអ៊ីន
- ញ៉ាំពពួកវីតាមីន B6 វីតាមីន B12 និងជាតិស័ង្កសី
- គេងឲ្យបានគ្រប់គ្រាន់ ព្រោះបើគេងមិនបានឆ្អែតសក់ក៏កាន់តែជ្រុះខ្លាំង
- ឧស្សាហ៍កក់សក់ដោយកុំទុកឲ្យឡើងប្រេង។
ដកស្រង់ពី៖ Hello Health Group
