មិននឹកស្មានសោះ! លក្ខណៈពិសេសទាំងនេះពេលកូនក្នុងផ្ទៃកម្រើក
ចំណុចសម្គាល់ដ៏គួរឲ្យភ្ញាក់ផ្អើលបំផុតក្នុងពេលមានផ្ទៃពោះគឺនៅពេលដែលអ្នកមានអារម្មណ៍ដំបូងដឹងថា កូនក្នុងផ្ទៃកំពុងតែកម្រើក ឬធាក់តិចៗ។
តើមានលក្ខណៈពិសេសអ្វីខ្លះនៅពេលកូនកម្រើក?
ចលនាទាំងនេះបង្ហាញថា កូនអ្នកកំពុងបង្ហាញលក្ខណៈទាំងនេះ៖
១. ដំណាក់កាលដំបូង
នៅពេលដែលអ្នកមានផ្ទៃពោះដំបូង ៖
នៅសប្តាហ៍ទី៧ដល់ទី៨ អ្នកនឹងឃើញក្នុងស្បូនអ្នកមានចលនាដូចទឹករលកពេលដែលអ្នកឆ្លុះមើលអេកូល នោះកូនចាប់ផ្តើមមានចលនាតិចៗហើយ។
នៅសប្តាហ៍ទី៩ ទារកនឹងមានចលនារមួល។
ក្រោយសប្តាហ៍ទី១០រួច ទារកនឹងមានចលនាដូចអណ្តែត និងលោតជាដើម។
២. ដំណាក់កាលកណ្តាលនៃការមានផ្ទៃពោះ
នៅដំណាក់កាលនេះកូននឹងកម្រើកដោយប្រើរាងកាយទាំងមូលរបស់គេ ដូចជា ៖ ក្រឡាប់ខ្លួន លោត កម្រើកដៃ និងជើង បង្វិលក្បាល និងខ្លួន នៅសប្តាហ៍ទី១៣ដល់១៥ គឺជាពេលវេលាដែលកូនកម្រើកខ្លាំងបំផុត លុះដល់អាទិត្យទី១៧ទើបកូនមិនសូវកម្រើកវិញ។
៣. ដំណាក់កាលជិតសម្រាល
នៅពេលដែលកូនជិតចេញមកជួបពិភពលោក កូននឹងកាត់បន្ថយការកម្រើកខ្លួនតិចវិញ ប៉ុន្តែគេនឹងកម្រើកដៃ ភ្នែក និងមាត់ច្រើនវិញ ហើយចលនានៃការដកដង្ហើមក៏ប្រែជាច្រើនជាងមុនដែរ ដូចនេះអ្នកអាចដឹងតាមរយៈនេះបានថា កូនជិតកើតហើយ៕
ដកស្រង់ពី៖ Health.com
