អំឡុងពេលបំបៅដោះកូន! ម៉ាក់ៗអាចសាកវិធីទាំងនេះដើម្បីកុំឪ្យឈឺខ្នង
ស្រីៗពិបាកខ្លាំងណាស់ទៅហើយ ពេលពពោះ ហើយក្រោយសម្រាលកូន ក៏មិនស្រួលដែរ ត្រូវមើលថែកូន ធ្វើម៉េចឲ្យមានសុខភាពល្អ ធំឡើងឆ្លាត។ ជាក់ស្ដែង ការលើកបី ពកូនអត់ត្រឹមត្រូវ ខុសបច្ចេកទេស នាំឲ្យស្រីៗគ្នាយើងឈឺចង្កេះ ឈឺឆ្អឹងខ្នងជាមិនខាន ជាពិសេសពេលកូនកាន់តែធំធ្ងន់ឡើងៗ។
តើមានវិធីអ្វីខ្លះដែលជួយអ្នកម៉ាក់មិនសូវឈឺខ្នងពេលបំបៅដោះកូន?
ដើម្បីចៀសវាងការឈឺចាប់នេះ គួរតែធ្វើដូចខាងក្រោម៖
១. លក្ខខណ្ឌទូទៅ
ធ្វើលំហាត់ប្រាណ៖ ការហាត់ប្រាណ ធ្វើឱ្យមានសុខភាពល្អ មិនថាជំងឺអ្វីក៏ដោយ ប៉ុន្តែសម្រាប់ស្ត្រីទើបសម្រាលកូនរួច សូមពិភាក្សាជាមួយគ្រូពេទ្យជាមុនសិន ថាតើរយៈពេលប៉ុន្មានខែក្រោយសម្រាល ទើបអាចហាត់ប្រាណបាន ហើយត្រូវហាត់ពេលណា ជាមួយឧបករណ៍អ្វី។
បើគ្រូពេទ្យអនុញ្ញាតឱ្យហាត់ប្រាណហើយ ម្ដាយគួរប្រុងប្រយ័ត្ននឹងហាត់ប្រាណ កុំកញ្ឆក់ៗ ឬលើរបស់ធ្ងន់ៗ។ យកល្អ គួរហាត់របៀបយ៉ូហ្កាឱ្យបានច្រើន។
២. របៀបលើកទារក
- ពេលយើងឱនចុះក្រោម លើកក្មេងព ត្រូវចៀសវាងឱនពត់ខ្នងខ្លាំងពេក ព្រោះអាចធ្វើឱ្យឈឺចង្កេះខ្លាំង។ វិធីត្រឹមត្រូវ គឺឱនចុះបន្តិច និងលត់ជង្គង់ចុះម្ខាង កាន់ក្មេង និងលើកក្មេងឡើង ដោយប្រឹងក្បាលពោះ និងកម្លាំងជើង។
- សូមកុំលើកទារកឡើងដោយប្រើដៃយោងព គឺត្រូវឱបទារកនោះជាប់នឹងដើមទ្រូវសិនសឹមងើបឡើង។
៣. ពេលបំបៅដោះកូន
- ពេលបំបៅដោះកូនជាប់នឹងដើមទ្រូង ម្ដាយមិនគួរងើបឈរនោះទេ។ ម្ដាយត្រូវគេងផ្អៀងម្ខាង និងដាក់កល់ខ្នើយសមស្រប ដើម្បីអាចឱ្យកូនបៅបណ្ដើរ និងគេងបណ្ដើរ។
- ពេលអង្គុយបំបៅដោះ ម្ដាយត្រូវអង្គុយត្រង់ខ្លួន និងនៅលើកៅអីរឹង ជាជាងកៅអីដែលមានពូកទន់ៗ។
៤. ពេលបីកូនដើរ
- ពេលធ្វើដំណើរដោយថ្មើរជើង ហើយពកូន គួរមានកាបូបសម្រាប់ដាក់ទារកខាងមុខដើមទ្រូង ជាជាងបីដោយដៃច្រើនពេក។
- ចៀសវាងដាច់ខាតពកូននៅចង្កេះ ព្រោះនឹងនាំឱ្យឈឺទាំងចង្កេះ និងខ្នង។
៥. ពេលបំបៅដោះកូន
- ពេលបំបៅដោះកូនជាប់នឹងដើមទ្រូង ម្ដាយមិនគួរងើបឈរនោះទេ។ ម្ដាយត្រូវគេងផ្អៀងម្ខាង និងដាក់កល់ខ្នើយសមស្រប ដើម្បីអាចឱ្យកូនបៅបណ្ដើរ និងគេងបណ្ដើរ។
- ពេលអង្គុយបំបៅដោះ ម្ដាយត្រូវអង្គុយត្រង់ខ្លួន និងនៅលើកៅអីរឹង ជាជាងកៅអីដែលមានពូកទន់ៗ។
៦. ពេលបីកូនដើរ
- ពេលធ្វើដំណើរដោយថ្មើរជើង ហើយពកូន គួរមានកាបូបសម្រាប់ដាក់ទារកខាងមុខដើមទ្រូង ជាជាងបីដោយដៃច្រើនពេក។
- ចៀសវាងដាច់ខាតពកូននៅចង្កេះ ព្រោះនឹងនាំឱ្យឈឺទាំងចង្កេះ និងខ្នង។
ដកស្រង់ពី៖ Hello Krupet
