មិនល្អនោះទេ! មានផ្ទៃពោះ ឈរ ឬអង្គុយយូរពេក អាចប្រឈមបញ្ហាជាច្រើន
ស្រីៗមានផ្ទៃពោះ គ្រូពេទ្យតែងហាមមិនឲ្យអង្គុយ ឬឈរយូរនោះទេ ត្រូវឧស្សាហ៍ដើរចុះដើរឡើង ដើម្បីឲ្យរាងកាយមានចលនាខ្លះ។ ការឈរយូរពេកពេលមានផ្ទៃពោះ ធ្វើឲ្យសសៃឈាមមិនសូវធ្វើចលនា ប្រមូលផ្តុំនៅតែមួយកន្លែង ជះឥទ្ធិពលមិនល្អដល់រាងកាយ។
ពេលពពោះមិនថាតែការឈរយូរនោះទេ ការអង្គុយយូរពេកពេលមានផ្ទៃពោះក៏រងនូវផលប៉ះពាល់ចំពោះសុខភាពដូចគ្នា ដាច់ខាតត្រូវធ្វើចលនា កន្លះម៉ោង-១ម៉ោង/ម្តង ដោយដើរ ឬលើកដៃលើកជើងចុះឡើងក៏បាន។
ខាងក្រោមនេះជាផលប៉ះពាល់នៃការឈរយូរពេកពេលពពោះមានដូចជា៖
- ឈឺជើង
- ហើមជើង
- ចុករួយអាងត្រគាក
- ឈឺចាប់ឆ្អឹងខ្នង
- ងាយប្រឈមនឹងការឡើងសម្ពាធឈាម
- អាចរីកសរសៃឈាមវ៉ែននៅជើង
- អាចសម្រាលកូនមុនខែ។
ការដើរចុះដើរឡើង ប្រៀបបាននឹងការហាត់ប្រាណដែរ ធ្វើឲ្យចលនាឈាមរត់បានស្រួល រាងកាយមិនស្ពឹកស្រពន់ ថែមទាំងកាត់បន្ថយបញ្ហាប្រឈមខាងលើ។
ដកស្រង់ពី៖ Hello Health Group
