ពិតជាល្អមែន! អត្ថប្រយោជន៍ថ្នាំជាតិដែកជួយស្ត្រីពពោះនិងកូនបានច្រើនរហូតនឹកស្មានមិនដល់
អំឡុងពពោះ ម៉ាក់ៗត្រូវការជាតិដែកទ្វេរដង បើមិនអ៊ីចឹងទេរាងកាយនឹងខ្វះគ្រាប់ឈាមក្រហមទៅជាស្លេកស្លាំងជាក់ជាមិនខាន ដូច្នេះសូមអ្នកម៉ាក់កំពុងពពោះទាំងអស់គប្បីជ្រើសរើសថ្នាំជាតិដែកស្របតាមវេជ្ជបញ្ជារបស់គ្រូពេទ្យ ដើម្បីសុខភាពអ្នក និងកូនក្នុងផ្ទៃរបស់អ្នក។
តើជាតិដែកសម្បូរនៅក្នុងអីខ្លះ? តើស្ត្រីពពោះទទួលបានជាតិដែកគ្រប់គ្រាន់ទទួលបានប្រយោជន៍អ្វីខ្លះ?
ខាងក្រោមនេះគឺជាអត្ថប្រយោជន៍ដែលស្ត្រីពពោះត្រូវការថ្នាំជាតិដែកមានដូចជា៖
តម្រូវការជាតិអំឡុងពេលពពោះនេះ គឺដើម្បីផលិតអេម៉ូក្លូប៊ីន ដែលវាមានតួនាទីដឹកជញ្ជូនអុកស៊ីសែនទៅចិញ្ចឹមកោសិកានានាពេញរាងកាយ ពិសេសខួរក្បាល។ បែបនេះហើយទើបក្រសួងសុខាភិបាលតម្រូវឲ្យលេបថ្នាំជាតិដែកឲ្យបាន ៩០ គ្រាប់អំឡុងពពោះ និង ៤២ គ្រាប់ ក្រោយពេលសម្រាលកូន។
ការទទួលបានជាតិដែកគ្រប់គ្រាន់អំឡុងពេលពពោះ នឹងផ្តល់ប្រយោជន៍ច្រើនយ៉ាងដល់ម្តាយ និងកូនក្នុងផ្ទៃដូចជា៖
- ជួយបង្កើនគ្រាប់ឈាមក្រហម
- កាត់បន្ថយភាពស្លេកស្លាំង
- ឲ្យទារកក្នុងផ្ទៃលូតលាស់បានល្អ
- បង្ការកូនកើតមិនគ្រប់ខែ ឬមិនគ្រប់គីឡូ
- កាត់បន្ថយហានិភ័យពេលសម្រាលកូន។
បើតាមអង្គការសុខភាពពិភពលោក (WHO) ស្ត្រីពពោះត្រូវការពី ៣០-៦០ មិល្លីក្រាម/ថ្ងៃ ដែលជាតិដែកទាំងនោះ ស្ត្រីពពោះអាចទទួលបានតាមរយៈការញ៉ាំថ្នាំជាតិដែកដែលមណ្ឌលសុខភាព ឬមន្ទីរពេទ្យបង្អែកផ្តល់ឲ្យ ឬក៏តាមរយៈការញ៉ាំចំណីអាហារ ដូចជាសត្វសាច់ក្រហម ថ្លើម បន្លែបៃតង គ្រាប់សណ្តែក គ្រាប់ស្វាយចន្ទី គ្រាប់អាល់មុន គ្រាប់ល្ពៅ ជាដើម។
ដកស្រង់ពី៖ Hello Health Group
