ជៀសមិនផុតទេ! ពេលឈឺពោះសម្រាលកូនម៉ាក់ៗត្រូវឆ្លងកាត់ ៣ ដំណាក់កាលសំខាន់ៗនេះ
ដល់ពេលឈឺពោះសម្រាលកូន អារម្មណ៍ម៉ាក់ៗព្រឺព្រួច ភ័យព្រួយ ខ្លាចក្រែងមិនអាចទ្រាំនឹងការឈឺចាប់រយៈពេលយូរបាន ប៉ុន្តែសូមកុំបារម្មណ៍ខ្លាំងពេក វាអាចធ្វើឪ្យអ្នកបាត់បង់ទំនុកចិត្តលើខ្លួនឯង ដូច្នេះត្រូវតាំងស្មារតីឪ្យរឹងមាំ និងត្រៀមខ្លួនមុនសម្រាលរួចរាល់។
ការឈឺពោះសម្រាលកូនដែលអ្នកម៉ាក់ត្រូវឆ្លងកាត់មាន ៣ ដំណាក់កាលសំខាន់ៗ៖
ដំណាក់កាលទី១: ការឈឺពោះសម្រាល គឺការកន្រ្តាក់ស្បូនដែលធ្វើឲ្យមាត់ស្បូនបើក និងស្តើងក្នុងចន្លោះពេលទៀងទាត់។
ដំណាក់កាលទី២: ការឈឺពោះសម្រាល គឺការប្រឹងបង្កើតកូនរហូតដល់ក្បាលអាអូនចេញមកក្រៅ។
ដំណាក់កាលទី៣: ដំណាក់កាលនេះ ហៅថាការយកសុក ឬទម្លាក់សុកចេញ។ បើការឈឺពោះសម្រាលមិនប្រព្រឹត្តិតាមដំណាក់កាលនោះទេ គ្រូពេទ្យនឹងមានវិធីផ្សេងសម្រាប់ជួយឲ្យយើងដើរតាមដំណាក់កាល ឬឲ្យយើងឈឺពោះសម្រាលដោយប្រើប្រាស់ថ្នាំបើក និងធ្វើឲ្យមាត់ស្បូនទន់។ គ្រូពេទ្យនឹងចោះបំបែកថង់ទឹកភ្លោះដោយប្រើឧបករណ៍ពេទ្យដូចទំពក់ជ័រសម្រាប់ចោះបង្ហូរថង់ទឹកភ្លោះ។
ត្បិតតែបានឆ្លងកាត់ទាំង៣ដំណាក់កាលនេះដោយសុវត្ថិភាពក៏ពិតមែន ប៉ុន្តែស្ត្រីភាគច្រើនអាចមានគ្រោះថ្នាក់នៅដំណាក់កាលទី៤ គឺរយៈពេល២ម៉ោងក្រោយសម្រាល ដោយសារការធ្លាក់ច្រើន អូសបន្លាយយូរ។
ដកស្រង់ពី៖ Hello Health Group
