ដំណោះស្រាយពេលឈឺចង្កេះ ឈឺខ្នងស្ត្រីពពោះច្រើនតែជួបប្រទះជាមិនខាន
ឈឺខ្នង ជាអាការយ៉ាងសាមញ្ញ និងជាបញ្ហាធម្មតាដែលកើតមានឡើងសម្រាប់ស្ត្រីមានផ្ទៃពោះ ដោយអាការនេះ អាចចាប់ផ្ដើមមានឡើងតាំងពីខែដំបូងៗ រហូតដល់ថ្ងៃសម្រាលតែម្ដង។
នៅពេលផ្ទៃពោះរបស់ស្ត្រីកាន់តែធំទៅៗ ខ្នងមានភាពកោងកាន់តែខ្លាំង ដើម្បីទ្រទម្ងន់ពោះ ដោយសារតែសាច់ដុំយឺតទាញ ដែលធ្វើឱ្យអ្នកមានផ្ទៃពោះ មានអារម្មណ៍ឈឺខ្នង។
ខាងក្រោមនេះជាវិធីជាសាស្ត្រខ្លះៗក្នុងការសម្រាល ឬកាត់បន្ថយអាការឈឺខ្នងដូចជា៖
- នៅពេលអង្គុយ ទោះបីជានៅផ្ទះ ឬនៅកន្លែងណាក្ដី ស្ត្រីមានផ្ទៃពោះត្រូវអង្គុយត្រង់ខ្នង និងមិនត្រូវអង្គុយគងអន្ទាក់ខ្លាឡើង ព្រោះនឹងធ្វើឱ្យឆ្អឹងត្រគាកមានសភាពផ្អៀង ធ្វើឱ្យសាច់ដុំខ្នង ធ្វើការមិនល្អ ឬអាចខុសប្រក្រតី។
- ត្រូវសម្រាកឱ្យបានញឹកញាប់ ដោយដើរ ឬឈរ ឬពន្យឺតសរសៃតិចៗ ក្នុងរយៈពេលមួយម៉ោងម្ដង ព្រោះបើអង្គុយយូរពេកនឹងធ្វើឈឺខ្នងកាន់តែខ្លាំង។
- មិនត្រូវឈរយូរពេកទេ ប្រសិនបើការងាងរតម្រូវឱ្យឈរគូរដាក់ជើងម្ខាងនៅលើកំណល់ទម្រ ដើម្បីទ្រទម្ងន់ខ្លួន និងកាត់បន្ថយសម្ពាធទៅលើឆ្អឹងខ្នងផ្នែកខាងក្រោម។
ចៀងវាងលើករបស់ធ្ងន់ៗ តែបើសិនជាចាំបាច់ ត្រូវលើកវាដោយយឺតៗ និងរក្សាលំនឹងនៃរាងកាយ ដោយបន្ទន់ជង្គង់បន្តិចៗ ហើយលើករបស់នោះដោយប្រើកម្លាំងដៃ និងជើង ពោលគឺមិនត្រូវប្រើកម្លាំងខ្នង។
- មិនត្រូវពាក់ស្បែកជើងកែងចោតខ្ពស់ពេកទេ គួរប្រើស្បែកជើងកែងទាបៗ ហើបើអាចជៀសបាន កុំពាក់ស្បែកជើងកែងតែម្ដងក៏ល្អដែរ។
- នៅក្នុងអំឡុងពេលមានផ្ទៃពោះ ពូកដេក គួរតែប្រើពូកណាដែលមិនទន់ ពោលគឺរឹងបន្តិច ដើម្បីរក្សាទម្រដងខ្លួនឱ្យនៅត្រង់ល្អ និងចំណុចមួយទៀត ក៏ត្រូវតែចាំដែរ គឺមិនត្រូវឈោងយករបស់ដែលនៅទីខ្ពស់ឡើយ ជាពិសេសគឺមិនត្រូវប្រើកំណល់ជាន់ឡើង ព្រោះវាអាចបង្កគ្រោះថ្នាក់បានភ្លាម៕
ដកស្រង់ពី៖ Health.com
