ដឹងហើយពិតជារំភើប! ក្នុងផ្ទៃអាយុប៉ុននេះអាចស្ដាប់ឮ ប៉ាម៉ាក់និយាយយ៉ាងសប្បាយ
ម៉ាក់ប៉ាច្បាស់ជាមិនដឹងទេថា ត្បិតកូននៅក្នុងផ្ទៃក៏ពិតមែន តែគេអាចស្ដាប់ឮសំឡេងពីក្រៅបាន។ ដូចនេះហើយបានជាពេទ្យតែងតែណែនាំឲ្យម៉ាក់ប៉ានិយាយលេងជាមួយកូនក្នុងផ្ទៃ ហើយម៉ាក់ៗត្រូវតែសប្បាយចិត្តជានិច្ចទើបកូនកើតមកមានភាពរីករាយ។
ខាងក្រោមនេះប៉ាម៉ាក់នឹងបានជ្រាបច្បាស់អំពីវ័យដែលកូនអាចស្តាប់លឺពីក្នុងពោះរបស់ម៉ាក់៖
អំឡុងពេលពពោះ ៤-៦ ខែពួកគេអាចចាប់ផ្ដើមឮសំឡេងផ្សេងៗប្រសិនបើប៉ានិយាយនៅក្បែរ ឬសំឡេងឮៗ ដូចនេះហើយយើងអាចនិទានរឿង និយាយពាក្យក្នុងចិត្ត ហៅឈ្មោះ និងជជែកគ្នាលេងជាមួយកូនបាន ដើម្បីកុំឲ្យពួកគេអផ្សុក បង្កើនបញ្ញា និងបង្កើនភាពស្និទ្ធស្នាល។
កត្តានេះហើយ ទើបពេលម៉ាក់ៗពពោះមិនគួរទទួលបានពាក្យគំរាមកំហែង និងសម្លុត ព្រោះវាប៉ះពាល់ដល់កូនដូចគ្នា។ មួយវិញទៀតការដែលទុកម៉ាក់ៗចោលឲ្យនៅម្នាក់ឯងទទួលរងភាពឯកា និងបាក់ទឹកចិត្តពិតជាមិនល្អឡើយ។
ប្រសិនបើប៉ាម៉ាក់ឧស្សាហ៍និយយាលេងជាមួយកូនឪ្យបានច្រើនៗ នៅពេលកូនកើតមក គឺកូននឹងផ្ដល់ស្នាមញញឹមដ៏ផ្អែមត្រជាក់ដល់ក្រអៅបេះដូង ពេលឮសំឡេងលោក។
មួយវិញទៀតកូនក្នុងវ័យនេះចង់ដឹងចង់ឮពីបរិស្ថានខាងក្រៅ ដូច្នេះយើងត្រូវថ្នមសំឡេង និងមិនគួរបញ្ចេញសំឡេងទ្រគោះបោះបោក។ ដើម្បីឲ្យកូនកាន់តែកូនឆ្លាសវៃ ពេលនៅក្នុងពោះយើងអាចបើកតន្ត្រីផ្សេងៗ ដើម្បីឲ្យកូនបានស្ដាប់ឮ។
ដកស្រង់ពី៖ Hello Health Group
