ប៉ះពាល់ណាស់! ប៉ាម៉ាក់ងូតទឹកឱ្យកូនក្នុងស្ថានភាព ៥ នេះច្បាស់ជាបញ្ហាធំមិនខាន
ការងូតទឹកឱ្យកូននៅពេលនេះ គឺជាម្តាយដែលធ្វើបាបកូនដោយមិនដឹងខ្លួន។ ហេតុនេះហើយ គួរយកចិត្តទុកដាក់ និងចៀសវាងភ្លាមៗ បើមិនដូច្នេះទេអ្នកនឹងស្តាយក្រោយ។
ខាងក្រោមនេះជាចំណុចមួយចំនួនដែលប៉ាម៉ាក់ត្រូវកត់ចំណាំនៅពេកកូនមុជទឹកម្តងៗ៖
១. កុំងូតទឹកឱ្យកុមារនៅពេលក្អួត ឬរាគធ្ងន់ធ្ងរ
នៅពេលដែលកុមារមានជំងឺប្រព័ន្ធរំលាយអាហារដូចជាក្អួតចង្អោរច្រើនដងក្នុងមួយថ្ងៃ ជាការប្រសើរបំផុតដែលឪពុកម្តាយមិនត្រូវងូតទឹកឱ្យកូនជាបណ្តោះអាសន្ន។ ព្រោះនៅពេលងូតទឹកអ្នកនឹងត្រូវរំកិល បង្វែរ កូនរបស់អ្នកច្រើនដើម្បីដុះសាប៊ូ ដុះក្អែលឱ្យសព្វរាងកាយ ដែលអាចធ្វើឱ្យអាការៈកូនកាន់តែធ្ងន់។
២. កុំងូតទឹកឱ្យកូនក្នុងរយៈពេល ៤៨ ម៉ោង នៅពេលដែលកុមារក្តៅខ្លួន ឬទើបតែចុះកម្តៅ
នៅក្នុងដំណើរការនៃការងូតទឹក រន្ធញើសនៅលើស្បែកទារកនឹងពង្រីក ទោះបីជាវាមានឥទ្ធិពលកាត់បន្ថយសីតុណ្ហភាពក្នុងរាងកាយក៏ដោយ ប៉ុន្តែដោយសារតែកុមារឆ្លងមេរោគដោយមានរោគសញ្ញាគ្រុនក្តៅ ភាពស៊ាំពីកំណើតរបស់កុមារកាន់តែចុះខ្សោយ។ ប្រសិនបើអ្នកងូតទឹកឱ្យកុមារដែលមានគ្រុនក្តៅវាក៏នាំខ្យល់ត្រជាក់ចូលក្នុងរន្ធញើសដែលធ្វើឱ្យជំងឺកាន់តែធ្ងន់ធ្ងរ។
ដូច្នេះក្នុងរយៈពេល ៤៨ម៉ោងមុននិងក្រោយ ពេលកុមារមានគ្រុនក្តៅអ្នកមិនគួរងូតទឹកឱ្យទារកឡើយ ដើម្បីជៀសវាងផលប៉ះពាល់អវិជ្ជមានដល់សុខភាពកុមារ។
៣. កុំងូតទឹកឱ្យកុមារនៅពេលស្បែកមានរបួស
នៅពេលកុមារមានបញ្ហាជាមួយនឹងការខូចខាតស្បែកដូចជាពងបែក រលាក របក ឬសូម្បីតែហូរឈាមលើស្បែក ឪពុកម្តាយគួរតែបញ្ឈប់ការងូតទឹកឱ្យកូនជាបណ្តោះអាសន្ន។
៤. កុំងូតទឹកឱ្យទារកភ្លាមៗបន្ទាប់ពីបំបៅ និងញ៉ាំឆ្អែត
នៅពេលដែលទារកទើបតែទទួលទានអាហារឆ្អែត ប្រសិនបើអ្នកងូតទឹកភ្លាមៗនោះវានឹងបណ្តាលអោយឈាមហូរទៅកាន់សរសៃឈាម ក្នុងសរសៃឈាមដែលត្រូវបានពង្រីកដោយសារតែការរំញោចទឹកក្តៅ បន្ទាប់មកការផ្គត់ផ្គង់ឈាមទៅក្នុងប្រហោងពោះ ការថយចុះគួរឱ្យកត់សម្គាល់ ប៉ះពាល់ដល់មុខងាររំលាយអាហារចំពោះកុមារ។ លើសពីនេះ បន្ទាប់ពីការផ្តល់ចំណីឆ្អែត ក្រពះរបស់ទារកស្ថិតក្នុងស្ថានភាពតឹង ដូច្នេះការងូតទឹកនឹងបង្កឱ្យក្អួតចង្អោរយ៉ាងងាយស្រួល។ ឪពុកម្តាយគួរតែងូតទឹក តែបន្ទាប់ពីទារកបានបំបៅរយៈពេល ១-២ ម៉ោង។
៥. នៅពេលកូនរបស់អ្នកក្អួតញឹកញាប់
នៅពេលកូនរបស់អ្នកក្អួតញឹកញាប់វាជាការសំខាន់ ដើម្បីតាមដានរោគសញ្ញាផ្សេងទៀត ហើយសម្រេចចិត្តថា តើត្រូវនាំគាត់ទៅជួបគ្រូពេទ្យឬយ៉ាងណា កុំព្យាយាមនាំគាត់ទៅបន្ទប់ទឹក ដើម្បីសម្អាតខ្លួន។ កុមារក្អួតដោយសារហេតុផលជាច្រើនដែលភាគច្រើនជាបញ្ហាក្រពះ ពោះវៀន រាក និងពុលអាហារ។ ប្រសិនបើកុមារក្អួតចង្អោរខ្លាំងដោយមានរោគសញ្ញាសន្លឹមអស់កម្លាំង ឬឈប់បៅ ឪពុកម្តាយត្រូវនាំកូនទៅជួបគ្រូពេទ្យជាបន្ទាន់៕
ដកស្រង់ពី៖ Health.com
