សំខាន់ណាស់! កូនចេះក្រឡាប់ ម៉ាក់ប៉ាត្រូវប្រយ័ត្នរឿងទាំងនេះ
ពេលកូនតូចឈានដល់វ័យចេះក្រឡាប់ ក៏ជាពេលដែលម៉ាក់ប៉ាចាប់ផ្ដើមភ័យខ្លាចកូនមានគ្រោះថ្នាក់។ កូនអាយុចាប់ពី ៤ ទៅ ៦ ខែ ឬលើសនេះបន្តិចបន្តួច អាចចេះក្រឡាប់ហើយ តែបើក្រឡាប់យើងមិនបានសង្កេតមើលដិតដល់ នាំឲ្យមានគ្រោះថ្នាក់ដល់ជីវិតក៏មាន។
ខាងក្រោមនេះជាអ្វីដែរប៉ាម៉ាក់ត្រូវដឹងនៅពេលកូនចេះក្រឡាប់ដូចខាងក្រោម៖
- ក្រោយពេលបៅឆ្អែត បើកូនក្រឡាប់នឹងធ្វើឲ្យតឹងពោះ ឬច្រាលទឹកដោះ ហើយឈ្លក់ចូលសួតក៏មានដែរ
- បើនៅលើគ្រែ កូនអាចក្រឡាប់ ២-៣ ត្រឡប់រហូតធ្លាក់ពីលើគ្រែក៏មាន
- ប្រយ័ត្នកូនទើបចេះក្រឡាប់ទៅប៉ះលើកន្សែង ភួយ ខ្នើយ ហើយមិនមិនអាចងើបក្បាលរួច បណ្ដាលឲ្យថប់ដង្ហើម
- រកកម្រាលទន់ៗមកក្រាល កុំឲ្យពេលកូនក្រឡាប់មិនបាន ហើយបោកក្បាលផ្នែកក្រោយទៅនឹងផ្ទៃរឹង ឬបើក្រឡាប់ផុតជ្រុលទៅមុខខ្លាំង
- បើកូនទើបចេះក្រឡាប់ថ្មីៗ ត្បិតក្រឡាប់បានមែន តែមិនទាន់ចេះដោះដៃចេញពីក្រោមពោះ
- ត្រូវប្រយ័ត្នពេលគេងយប់ ព្រោះអាចចេញក្រៅមុងមូសខាំ
- ការពារកុំឲ្យមានរបស់រឹងក្បែរខ្លួនពេលក្រឡាប់ទៅប៉ះទង្គិច
- នៅពេលកូនចេះក្រឡាប់ដំបូងៗ ពួកគេធ្វើវាញឹកញាប់ខ្លាំងណាស់ ហើយបើយើងហាមឃាត់កូនប្រាកដជារករឿងយំមិនខាន។
ទោះជាការក្រឡាប់គឺជាធម្មជាតិរបស់ក្មេង តែមិនគួរបណ្ដោយរហូតពេលនោះទេ ត្រូវបញ្ឈប់ខ្លះក្នុងកាលៈទេសៈមិនអំណោយផល។ មួយវិញទៀតម៉ាក់ប៉ាមិនចាំបាច់បារម្ភពេកនោះទេ ប្រសិនបើកូនដល់វ័យប៉ុណ្ណេះហើយ តែមិនទាន់ចេះក្រឡាប់ ព្រោះក្មេងមានសមត្ថភាព សុខភាព និងភាពឈ្លាសវៃខុសៗគ្នា។
ដកស្រង់ពី៖ Hello Health Group
