ប្រយ័ត្នគ្រោះថ្នាក់! ខែក្តៅ ពេទ្យហាមមិនឲ្យកូនតូចញ៉ាំអាហារប៉ុន្មានមុខនេះទេ
ចំណីចំណុកគឺ ជារឿងសំខាន់ដែលម៉ាក់ប៉ាត្រូវយកចិត្តទុកដាក់ នៅពេលអាកាសធាតុក្តៅខ្លាំងបែបនេះ។ ខាងក្រោមនេះជាពពួកអាហារដែលយើងមិនត្រូវឲ្យកូនតូចៗញ៉ាំនោះទេ ព្រោះអាចធ្វើឲ្យខ្វះជាតិទឹក ប្រព័ន្ធរំលាយអាហារចុះខ្សោយទៅជារាក ឬក្អូតចង្អោរ។
ខាងក្រោមនេះជាអាហារមួយចំនួនដែលអ្នកប៉ាម៉ាក់គួរជៀសវាងឪ្យកូនញុាំ៖
១. អាហារហឹរ
កូនក្មេងមានប្រព័ន្ធភាពស៊ាំខ្សោយ ត្រូវការអាហារមានជីវជាតិ កាលណាញ៉ាំពពួកអាហារហឹរវាមិនជួយដល់ការលូតលាស់ទេ គឺងាយមានបញ្ហាក្រពះពោះវៀនទៅវិញ។
២. អាហារក្តៅ ឬខ្លាញ់
មេឃកំពុងតែក្តៅខ្លាំង ហើយយើងឲ្យកូនញ៉ាំអាហារក្តៅៗ ថែមមានជាតិខ្លាញ់ទៀត ពិសេសពពួកអាហារបំពង កាន់តែធ្ងន់ធ្ងរមិនខាន។
៣. អាហារត្រជាក់ខ្លាំង
ក្តៅខ្លាំងបែបនេះ ទាំងក្មេងទាំងចាស់ ច្បាស់ជាចង់ញ៉ាំរបស់ត្រជាក់ៗហើយ តែបើមិនចង់មានបញ្ហាសុខភាព ម៉ាក់ប៉ាមិនត្រូវឲ្យកូនញ៉ាំទឹក អាហារ ឬនំចំណីណាដែលត្រជាក់ខ្លាំង ដូចជាទឹកកក ទឹកកកឈូស ឬការ៉េមនោះទេ។
៤. អាហារផ្អែមខ្លាំង
កូនក្មេង១០ទាំង១០ ចូលចិត្តចំណីផ្អែមៗ តែយើងក៏គួរកំណត់ ឬជ្រើសរើសចំណីអាហារដែលមានជាតិស្ករតិច មិនសូវផ្អែមខ្លាំងឲ្យកូនញ៉ាំ ទើបរាងកាយកូនមិនបាត់បង់ជាតិទឹក។
៥. អាហារកំប៉ុង
អាហារ ឬភេសជ្ជៈកំប៉ុងមិនសម្បូរសារធាតុចញ្ចឹមនោះទេ ផ្អែមក៏ផ្អែម ឯខ្លះទៀតមានជាតិហ្គាស ឬមានដាក់សារធាតុគីមីដើម្បីរក្សាទុកបានយូរ វាមិនល្អចំពោះសុខភាពក្មេងទេ ដូច្នេះកុំឲ្យកូនញ៉ាំអី។
ដកស្រង់ពី៖ Hello Health Group
