មិនអាចខ្វះបានទេ! ពពោះគួរញាំអាហារថាមពលទាំង 4នេះឪ្យបានរាល់ថ្ងៃ
តើអ្នកមានដឹងទេអាហារណាខ្លះដែលស្ត្រីមានផ្ទៃពោះពុំគួរមើលរំលង? តាមពិតអាហារទាំងអស់សុទ្ធតែមានសារៈសំខាន់សម្រាប់ស្ត្រីមានផ្ទៃពោះ ក៏ប៉ុន្តែមានអាហារមួយចំនួនត្រូវបានគេរកឃើញថាជាប្រភពថាមពល ហើយជួយឲ្យស្ត្រីមានសុខភាពល្អប្រសើរពេលពពោះ។
ខាងក្រោមនេះ គឺជាប្រភេទអាហារដែលស្ត្រីមានផ្ទៃពោះគួរទទួលទានជាប្រចាំ៖
១. ផ្កាខាត់ណាពណ៌ខៀវ
បន្លែមួយប្រភេទនេះសម្បូរទៅដោយកាល់ស្យូម អាស៊ីតហ្វូលិក ជាតិសរសៃ និងវីតាមីន C ។ ជាពិសេសប្រសិនបើអ្នកញ៉ាំជាមួយស្រូវសាលី ឬអង្គសំរូប អាចជួយជំរុញដល់ការស្រូបយកជាតិដែក បានយ៉ាងល្អ។
២. ចេកទុំ
អ្នកណាៗក៏ចូលចិត្តទទួលទានផ្លែចេក ដែរ ព្រោះវាមានរសជាតិផ្អែមឆ្ងាញ់ ហើយផ្តល់ប្រយោជន៍សម្រាប់សុខភាពថែមទៀត។ ចំពោះស្ត្រីមានផ្ទៃពោះ ត្រូវបានគេណែនាំឲ្យទទួលទានរាល់ថ្ងៃ ព្រោះជាតិប៉ូតាស្យូមរបស់វាអាចជួយប្រឆាំងនឹងភាពអស់កម្លាំងយ៉ាងពូកែបំផុត។
៣. ស៊ុត
ស៊ុត មិនត្រឹមតែជាអាហារដែលមានភាពពេញនិយមសម្រាប់មនុស្សគ្រប់ក្រុមគ្រួសារនោះទេ វាក៏ជាប្រភពប្រូតេអ៊ីនដ៏អស្ចារ្យសម្រាប់រាងកាយផងដែរ។ ជាពិសេសក្នុងមួយថ្ងៃស្ត្រីមានផ្ទៃពោះ ត្រូវការប្រូតេអ៊ីន១០ក្រាមពីស៊ុតបន្ថែម។
៤. សណ្តែកគ្រប់ប្រភេទ
អាហារមួយប្រភេទនេះត្រូវបានគេរកឃើញថា មានផ្ទុកប្រូតេអ៊ីន និងជាតិសរសៃខ្ពស់ ដែលអាចជួយការពារបញ្ហាទល់លាមករបស់ស្ត្រីមានផ្ទៃពោះល្អប្រសើរបំផុត។
ដោយសារតែឃើញពីគុនប្រយោជន៍បែបនេះហើយ ទើបអ្នកជំនាញបានណែនាំឲ្យស្ត្រីមានផ្ទៃពោះទាំងឡាយ ព្យាយាមទទួលទានអាហារខាងលើនេះជាប្រចាំ៕
