ពិសេសខ្លាំងណាស់! អាហារទាំង ៤ ប្រភេទនេះជួយឱ្យកូនលូតកម្ពស់លឿន និងសុខភាពល្អ
អាហារពិតជាសំខាន់សម្រាប់កុមារ និងទារកដែលប៉ាម៉ាក់ត្រូវយកចិត្តទុកដាក់ជាបំផុត ទោះបីជាយ៉ាងណា អ្នកម៉ាក់គ្រប់រូបត្រូវមានការប្រុងប្រយ័ត្នចំពោះសុខភាពកូនជាខ្លាំង។
តើមានអាហារអ្វីខ្លះដែលជួយឪ្យកូនលូតកម្ពស់លឿន និងសុខភាពល្អ?
ប្រសិនបើប៉ាមាក់ ចង់ឱ្យកូនអ្នកមានកម្ពស់ខ្ពស់តាមធម្មជាតិនិងសុខភាពល្អផងនោះ សូមបន្ថែមអាហារទាំង៤មុខនេះ ទៅក្នុងរបបអាហារប្រចាំថ្ងៃរបស់កូនអ្នកតាមតែអាចធ្វើទៅបាន។
ខាងក្រោមនេះជាអាហារមួយចំនួនដែលជួយឱ្យកុមារលូតលាស់កម្ពស់៖
១. អាហារសមុទ្រ
អាហារសមុទ្រ គឺជាអាហារដែលសំបូរទៅដោយជាតិកាល់ស្យូមដែលស្មើនឹង ៩៩% នៃកាល់ស្យូមនៅក្នុងរចនាសម្ព័ន្ធឆ្អឹង និងធ្មេញ។ កង្វះសារធាតុរ៉ែនេះ នឹងបណ្តាលឱ្យមានបញ្ហាសុខភាពជាច្រើនរួមទាំងការកំណត់កម្ពស់ផង។
២. សាច់មាន់
នៅពេលអ្នកម្តាយជ្រើសរើសអាហារដែលជួយបង្កើនកម្ពស់ គួរគិតដល់សាច់មាន់។ សាច់មាន់មិនត្រឹមតែជាអាហារដែលជួយឱ្យមានសុខភាពល្អ ប៉ុណ្ណោះទេ ថែមទាំងមានផ្ទុកនូវជាតិប្រូតេអ៊ីនច្រើន ដែលជំនួយឱ្យកូនធំធាត់ និងលូតលាស់ បានខ្ពស់ប្រកបដោយប្រសិទ្ធភាព។
ចំណាំ៖ សាច់មាន់គ្មានខ្លាញ់ដូចជាទ្រូងមាន់ គឺសំបូរទៅដោយជាតិប្រូតេអ៊ីន និងខ្លាញ់តិច។ ចំណែកភ្លៅមាន់សំបូរទៅដោយជាតិដែក និងខ្លាញ់។
៣. ស៊ុត
ស៊ុត ក៏មានសារៈសំខាន់ដើម្បីលូតលាស់ខ្ពស់តាមបែបធម្មជាតិ។ វាមានផ្ទុកជាតិប្រូតេអ៊ីនច្រើន ជាពិសេសស៊ុតពណ៌ស គឺល្អណាស់សម្រាប់លូតលាស់រាងកាយទាំងមូលព្រោះវាអាចជួយសំយោគវីតាមីននៅក្នុងកោសិកាដូច្នេះកម្ពស់នឹងលូតលាស់យ៉ាងឆាប់រហ័សតាមធម្មជាតិ។
កំណត់សម្គាល់៖ ស៊ុតរួមមានពងមាន់ ពងទា ពងក្រួច … សុទ្ធតែមានរសជាតិឆ្ងាញ់ណាស់ ហើយអាចកែច្នៃទៅជាមុខម្ហូបផ្សេងៗគ្នាជាច្រើន។
៤. ស្ពៃខ្មៅ
ស្ពៃខ្មៅសំបូរទៅដោយវីតាមីន ជាតិដែក ជាតិសរសៃ កាល់ស្យូម និងសារធាតុចិញ្ចឹមទាំងអស់ ដែលមានប្រយោជន៍សម្រាប់ការបង្កើនកម្ពស់។ សរុបសេចក្ដីមកការប្រើស្ពៃខ្មៅ គឺជាវិធីសាមញ្ញបំផុតដើម្បីឱ្យកម្ពស់ខ្ពស់តាមបែបធម្មជាតិ និងរហ័ស៕
ដកស្រង់ពី៖ Pamak.com
