ប្រសើរណាស់! បើម៉ាក់ៗឃើញកូនមានសញ្ញាទាំងនេះគេឆ្លាតខ្លាំងណាស់
ជាធម្មតាក្មេងៗរមែងបញ្ចេញនូវអកប្បកិរិយា ឬចរិតលក្ខណៈក្នុងសកម្មភាពណាមួយដែលអាចបញ្ជាក់ពីសមត្ថភាពខួរក្បាល និងភាពវ័យឆ្លាតរបស់ពួកគេក្នុងជីវិតរស់នៅប្រចាំថ្ងៃ មិនថានៅផ្ទះ និងនៅសាលារៀននោះទេ។ ប៉ាម៉ាក់ក៏ជាផ្នែកធំដ៏ធំមួយក្នុងការជំរុញ និងលើកកម្ពស់ការអភិវឌ្ឍភាពវ័យឆ្លាតរបស់កូនផងដែរ។
ជាមួយគ្នានេះដែរ តើប៉ាម៉ាក់អាចដឹងថាកូនឆ្លាតឬមិនឆ្លាតដោយវិធីណាខ្លះ?
ក្នុងអត្ថបទនេះ យើងនឹងលើកយកចរិតលក្ខណៈ៧យ៉ាងដែលបញ្ជាក់ថា កូនរបស់អ្នកមានភាពវ័យឆ្លាតជាងក្មេងដ៏ទៃ៖
១. ចូលចិតអាន
ក្មេងដែលមានភាពវៃឆ្លាតមានចំណង់ខ្លាំងក្នុងការអាន ហើយពួកគេនឹងទទួលបានចំណេះដឹងថ្មីៗ ច្រើនជាងក្មេងដ៏ទៃ។ នេះជាសញ្ញានៃភាពឆ្លាតវៃខ្លាំង ហើយអ្នកគួរមានសៀវភៅច្រើននៅនឹងដៃសម្រាប់កូន។ កុមារខ្លះអាចអានដោយខ្លួនឯងបាននៅពេលពួកគេមានអាយុ 4 ឆ្នាំ ឬច្រើនជាងនេះ។
២. មានការចងចាំល្អជាងក្មេងដ៏ទៃ
សមត្ថភាពក្នុងការទន្ទេញលេខ ពាក្យ និងរឿងរ៉ាវផ្សេងៗគឺជាសញ្ញាច្បាស់លាស់ដែលអាចបញ្ជាក់ថា កូនរបស់អ្នកមានភាពឆ្លាតវ័យ និងខួរក្បាលពិសេស ហើយធម្មតាតែងតែលេចធ្លោនៅក្នុងសាលា។
៣. ចេះពីរបៀបនិយាយស្តី
ជាធម្មតា ក្មេងដែលឆ្លាតគឺនិយាយបានល្អណាស់ ហើយមានទំនោរចង់ជជែកជាមួយមនុស្សពេញវ័យ ខុសពីក្មេងដទៃទៀត។ នៅពេលដែលកូនរបស់អ្នករីករាយនឹងការសន្ទនា នោះវាគឺជាសញ្ញាដែលអាចកើតមាននៃភាពឆ្លាតវៃដំបូង។
៤. តែងតែធ្វើអ្វីមួយបានល្អ
កុមារដែលឆ្លាតមានតម្រូវការខាងសភាវគតិ ដើម្បីឱ្យខ្លួនឯងពូកែឥតឈប់ឈរ។ អ្នកអាចកត់សម្គាល់កូនរបស់អ្នក នៅពេលដែលពួកគេចង់ធ្វើអ្វីមួយឱ្យកាន់តែប្រសើរ នៅក្នុងគោលបំណងជាក់លាក់មួយ ហើយរមែងទទួលបានលទ្ធផលល្អ។ វាអាចជាសញ្ញានៃ IQ ខ្ពស់។
៥. មានទេពកោសល្យផ្នែកតន្ត្រី
តន្រ្តីមានទំនាក់ទំនងយ៉ាងជិតស្និតរវាងភាពវៃឆ្លាតផ្នែកសិក្សារបស់កុមារ។ ក្មេងដែលចេះលេងតន្ត្រី ច្រើនតែពូកែគណិតវិទ្យាជាងក្មេងដែលមិនចេះ។ ក្មេងទាំងនេះប្រហែលជាមិនដែលក្លាយជាតន្ត្រីករអាជីពទេ ប៉ុន្តែវាគឺជាទេពកោសល្យដ៏អស្ចារ្យដែលពួកគេមាន។
៦. ចូលចិត្តការលេងសើច
ប្រសិនបើអ្នកសម្គាល់ឃើញកូនរបស់អ្នកនិយាយលេងសើច អ្នកគួរតែលើកទឹកចិត្តអាកប្បកិរិយានោះ។ ការនិយាយលេងសើច និងយល់ពីអ្វីដែលកំប្លែងអំពីវា តាមពិតទៅជាលក្ខណៈទំនើប ព្រោះមិនមែនកុមារទាំងអស់អាចធ្វើបានទេ។ ការលេងសើច គឺជាសញ្ញានៃភាពអស្ចារ្យ។
៧. កុមារដែលចង់ឃើញ ចង់ចេះ
ការចង់ដឹងចង់ឃើញច្រើនតែបង្ហាញឱ្យឃើញ នៅពេលដែលកុមារសួរសំណួរជាច្រើនដើម្បីស្វែងយល់បន្ថែម។ ប៉ាម៉ាក់គួរបណ្ដោយតាមកូន ហើយឆ្លើយសំណួរឱ្យបានច្រើនតាមដែលអាចធ្វើទៅបាន ដើម្បីជួយកូនរបស់អ្នកឱ្យយល់កាន់តែទទួលបានចំណេះដឹងថ្មីៗច្រើន។
យ៉ាងណាមិញ ទោះបីជាកូនរបស់អ្នកមិនបង្ហាញពីចរិតលក្ខណៈខាងលើក៏ដោយ ក៏គាត់នៅតែមានទេពកោសល្យខាងក្នុង និងបង្ហាញខ្លួនឯងតាមវិធីផ្សេងៗគ្នា។ ជាការពិត និងជារឿងសំខាន់ដែលត្រូវដឹងថា ទេពកោសល្យដ៏អស្ចារ្យរបស់កូនជាអ្វី ហើយប៉ាម៉ាក់ត្រូវបំពេញតួនាទីក្នុងការជំរុញកូនឱ្យកាន់តែឆ្លាត និងជោគជ័យ៕
ដកស្រង់ពី៖ Parentology
