ប្រយ័ត្នគ្រោះថ្នាក់! អាហារទាំង 5 ប្រភេទនេះហាមមិនញ៉ាំបើមិនចង់ឪ្យគ្រោះថ្នាក់ដល់កូន
ជាការពិតណាសឮស្ត្រីមានផ្ទៃពោះច្រើនតែទទួលបានដំបូន្មានយ៉ាងច្រើនអំពីការថែរក្សាសុខភាពរបស់ខ្លួនពី គ្រូពេទ្យ ជាពិសេសចាស់ៗ ។ មនុស្សគ្រប់គ្នាតែងតែអប់រំអ្នកមានផ្ទៃពោះអំពីអ្វីដែលគួរញ៉ាំ និងអ្វីដែលមិនគួរញ៉ាំ។ ដល់ពេលខ្លះអាចនឹងមានការយល់ច្រឡំក៏មានដែរ។ តាមពិត មានអាហារច្រើនណាស់ដែលស្ត្រីមានផ្ទៃពោះត្រូវតែចៀសវាង ។
តើមានអាហារអ្វីខ្លះដែលស្ត្រីមានផ្ទៃពោះមានគ្រោះថ្នាក់?
ពេលខ្លះ អាហារទាំង5នេះនឹងផ្តល់ផលអវិជ្ជមានចំពោះទារកក្នុងផ្ទៃ រហូតដល់រលូតកូនទៀតផង។
១. ត្រីដែលមានជាតិ Methylmercury ខ្ពស់
Methylmercury ជាប្រភេទបារ៉តម្យ៉ាងដែលមាននៅក្នុងសាច់ត្រី ជាពិសេសត្រីសមុទ្រ និងក្តាមខ្ចងសមុទ្រតែម្តង។ ប៉ុន្តែអ្នកអាចញ៉ាំត្រីដែលមានសារធាតុនេះទាបបានដូចជា ត្រីទឹកសាប ត្រីសាលម៉ុង ឬបង្គាជាដើម។
២. ស៊ុតឆៅ ឬមិនទាន់ឆ្អឹនល្អ
ស៊ុតអាចមានមេរោគគ្រុនពោះវៀន ដែលបង្កគ្រោះថ្នាក់ដល់អ្នកទទួលទានបាន ជាពិសេសស្ត្រីមានផ្ទៃពោះតែម្តង នៅពេលញ៉ាំវានៅឆៅ។ ដូច្នេះដើម្បីសុវត្ថិភាព ចូរញ៉ាំស៊ុតដែលឆ្អិនជានិច្ច។
៣. សណ្តែកបណ្តុះដែលនៅឆៅ
សណ្តែកប្រភេទនេះមានប្រយោជន៍ចំពោះសុខភាពណាស់នៅពេលញ៉ាំវាទាំងឆៅ។ ប៉ុន្តែសម្រាប់ស្ត្រីមានផ្ទៃពោះវិញ គឺមានផលអាក្រក់ច្រើនជាងផលល្អ។ ដូច្នេះចូរញ៉ាំសណ្តែកមួយនេះតែពេលឆ្អិនល្អបានហើយ។
៤. សាច់ឆៅ
វត្តមានរបស់ប៉ារ៉ាសិត Toxoplasma Gondii ក្នុងសាច់ឆៅ ជាពិសេសាច់ជ្រូក ពិតជាផ្តល់គ្រោះថ្នាក់ខ្លាំងណាស់ចំពោះស្ត្រីមានផ្ទៃពោះ។ ទោះបីជាយកដៃប៉ះ ហើយដាក់ចូលក្នុងមាត់ក៏វាគ្រប់គ្រាន់នឹងបង្កបញ្ហាធំបានដែរ។
៥. ជាតិកាហ្វេអ៊ីន
អ្នកមិនចាំបាច់លុបបំបាត់វាទាំងស្រុងនោះទេ គ្រាន់តែកាត់បន្ថយការញ៉ាំវាទៅបានហើយ។ យកល្អគួរតែកុំញ៉ាំជាតិកាហ្វេអ៊ីនច្រើនជាង ២០០មីលីក្រាមក្នុងមួយថ្ងៃ ព្រោះកាលណាអ្នកញ៉ាំកាហ្វេអ៊ីនច្រើនពេក ក៏អាចបណ្តាលឲ្យរលូតកូនបានដែរ៕
ដកស្រង់ពី៖ Health.com
