ម៉ាក់គ្រប់រូបគួរដឹង! គន្លឹះសម្រាប់អ្នកបំបៅដោះកូនក្នុងរដូវកាលកូវីដ-១៩
នៅក្នុងអំឡុងពេលរាតត្បាតជាសកលនៃវីរុសកូវីដ-១៩ នេះមនុស្សស្ទើរគ្រប់រូបមានវិធានការខ្ពស់ក្នុងការទប់ស្កាត់ការរីករាលដាលនៃជំងឺដ៏កាចសាហាវមួយនេះដូចជា ពាក់ម៉ាស់ លាងដៃ និងរក្សាគម្លាតសង្គមជាដើម។ ប៉ុន្តែលោកអ្នកមួយចំនួនប្រហែលជាមិនសូវចាប់អារម្មណ៍នោះទេទៅលើទារកដែលកំពុងបៅដោះ។
តើពួកគេអាចឆ្លងវីរុសនេះពេលពួកគេបៅដោះនៅអំឡុងពេលរដូវកាលនេះដែឬទេ? តើអ្នកជាម្ដាយគួរមានវិធានការអ្វីខ្លះ?
ទាំងនេះគឺជាគន្លឹះគួរយល់ដឹងពីការបំបៅដោះកូនក្នុងរដូវកាលកូវីដ-១៩៖
១. លាងសម្អាតដៃ និងខ្លួនឲ្យបានស្អាត៖ លោកអ្នកបានដឹងរួចចមកហើយថា វីរុសកូវីដ-១៩ គឺឆ្លងតាមរយៈតំណក់ទឹកមាត់តូចៗដែលចេញពីការក្អក កណ្ដាស់។ ដូចនេះអ្នកម្ដាយគួរលាងសម្អាតខ្លួន និងដៃឲ្យបានស្អាតមុននឹងបំបៅទារកដើម្បីជៀសវាងការជាប់តំណក់ទឹកមាត់តូចៗទាំងនោះនៅលើដៃ និងខ្លួនដែលអាចឆ្លងទៅទារកបានយ៉ាងរហ័ស។
២. ពាក់ម៉ាស់៖ នៅពេលបំបៅដោះទារក អ្នកគូរពាក់ម៉ាស់ដើម្បីបង្ការការខ្ទាតទឹកមាត់ធ្លាក់ទៅលើទារកនៅពេលដែលអ្នកនិយាយ ក្អកឬកណ្ដាស់។
៣. សម្អាតរបស់ប្រើប្រាស់របស់ទារក៖ លោកអ្នកត្រួវសម្អាតរបស់របរប្រើប្រាស់របស់ទារកជាប្រចាំដូចជា កម្រាលគេង ស្រោមខ្នើយ កន្លែងទារកគេង ដបទឹកដោះគោ ខោអាវទារកជាដើមដើម្បីកម្ចាត់បាក់តេរីដែលអាចជាប់ទៅនឹងរបស់ទាំងនេះ។
៤. បូមទឹកដោះ៖ អ្នកម្ដាយគួរប្រើម៉ាស៊ីនបូមទឹកដោះរួចច្រកដាក់ដបឲ្យទារកបៅជំនួសវិញព្រោះថាការបៅដោយផ្ទាល់អាចងាយឆ្លងវីរុសបានផងដែរ។ មុននឹងធ្វើការបូមទឹកដោះ អ្នកម្ដាយត្រូវសម្អាតឲ្យបានស្អាត និងប្រាកដថាដបដែលច្រកទឹកដោះនោះជាដបស្អាត និងត្រូវបានសម្លាប់មេរោគរួច។
៥. ឈប់បំបៅដោះទារកភ្លាមៗបើអ្នកមានរោគសញ្ញាផ្សេងៗ៖ ប្រសិនបើអ្នកមានរោគសញ្ញានៃការឆ្លងវីរុសនេះដូចជា កម្ដៅខ្លួនលើសពី ៣៧.៥ អង្សាសេ ក្អក ផ្ដាសាយ ពិបាកក្នុងការដកដង្ហើម អ្នកត្រូវបញ្ឈប់ការបំបៅកូនភ្លាមៗរួចត្រូវទៅធ្វើតេស្តរកវីរុសនេះឲ្យបានច្បាស់លាស់់ដើម្បីជៀសវាងការឆ្លងទៅទារក។
ប្រភពៈ Healthline II https://www.healthline.com
