មូលហេតុទាំងនេះឯង! ធ្វើឪ្យកូនឆ្លាត រស់រវើក និងមានសុជីវធម៌ល្អមកពីមានទម្លាប់ទាំងនេះ
ចាស់ៗតែងថា ចង្កៀងផ្ទះអ្នកណា ភ្លឺផ្ទះអ្នកហ្នឹង ពាក្យនេះពិតជាត្រឹមត្រូវ រឿងប្រដៅបង្ហាត់បង្រៀនកូនចៅ ក៏ដូចគ្នា។ គ្រួសារនីមួយៗមានវិធីបង្រៀនកូនៗខុសគ្នាៗ ប៉ាម៉ាក់ខ្លះសប្បាយចិត្តពេលអូនៗស្តាប់សម្តី និងដំបូន្មាន ខ្លះទៀតមិនសប្បាយចិត្តសោះ ពិបាកបង្រៀនអីពិបាក ខូចនោះខូច។
តើមានវិធីអ្វីខ្លះជួយឪ្យកូនកូនឆ្លាត រស់រវើក និងមានសុជីវធម៌?
ខាងក្រោមនេះយើងខ្ញុំនឹងបង្ហាញអ្នកពីវិធីក្នុងការអប់រំកូនឲ្យក្លាយជាក្មេងល្អ៖
/iStock-507032862-596f79f69abed50011a455aa.jpg)
១. អ្នកត្រូវតែបិទទូរទស្សន៍ចោលចំនួន៣ម៉ោងជារៀងរាល់ថ្ងៃ ហើយយកពេលវេលានេះដើម្បីនាំកូនអានសៀវភៅផ្សេងៗ ហើយអ្នកអាចអានកាសែតបាន ដើម្បីឱ្យកូនអានសៀវភៅដែរ។
២. អ្នកអាចនាំកូនលេងល្បែងផ្សេងៗដែលទាក់ទងនឹងគណិតវិទ្យា ដើម្បីបង្កើនភាពឆ្លាតវៃរបស់កូន។
៣. អ្នកត្រូវតែកំដរកូនចេញទៅខាងក្រៅដើរលេងឱ្យបានច្រើន ឱ្យគេនៅជិតធម្មជាតិ និងមនុស្សឱ្យបានច្រើន ទើបកូនមានភាពរស់រវើក ហើយមិនងាយខ្លាចអ្នកដទៃ។
៤. នៅពេលដែលអ្នកនៅជាមួយកូន អ្នកត្រូវតែផ្តោតអារម្មណ៍តែជាមួយគេទេ មិនត្រូវធ្វើរឿងផ្សេងនោះទេ ដើម្បីឱ្យគេគិតថាអ្នកទុកគេជាសំខាន់។
៥. នៅពេលដែលសាលារៀនកូនមានកម្មវិធីដែលមានអញ្ជើញមាតាបិតាទៅ អ្នកត្រូវតែចូលរួម ព្រោះវត្តមានរបស់អ្នកពិតជាសំខាន់ណាស់សម្រាប់កូន បើគេឃើញអ្នកគេនឹងសប្បាយចិត្ត ហើយគេនឹងបន្តខិតខំរៀនសូត្រជាមិនខានឡើយ៕
ដកស្រង់ពី៖ Health.com
