ប្រយ័ត្នមិនដឹង! នៅពេលទៅចាក់វ៉ាក់សាំងឪ្យកុមារ និងយុវវ័យកុំភ្លេចឯកសារទាំងនេះ
នៅថ្ងៃទី០១ សីហា ២០២១ នឹងចាប់ផ្តើមយុទ្ធនាការចាក់វ៉ាក់សាំងការពារជំងឺកូវីដ-១៩ ដល់កុមារ និងយុវវ័យ ដែលមានអាយុចាប់ពី១២ឆ្នាំ ដល់ក្រោម ១៨ឆ្នាំ នៅរាជធានីភ្នំពេញ។
តាមសេចក្ដីជូនដំណឹងរបស់រដ្ឋបាលរាជធានីភ្នំពេញ នៅពេលនាំកូន ឬចៅ ទៅចាក់វ៉ាក់សាំង ម៉ាក់ប៉ា ឬអាណាព្យាបាល ត្រូវយកទៅជាមួយនូវ៖
១. កុមារអាយុចាប់ពី ១២ឆ្នាំ ដល់អាយុក្រោម ១៥ឆ្នាំ៖ សំបុត្រកំណើត ឬសៀវភៅស្នាក់នៅ ឬសៀវភៅគ្រួសារ ឬលិខិតឆ្លងដែន
២. យុវវ័យអាយុចាប់ពី ១៥ឆ្នាំ ដល់អាយុក្រោម ១៨ឆ្នាំ៖ សំបុត្រកំណើត ឬអត្តសញ្ញាណប័ណ្ណសញ្ជាតិខ្មែរ ឬសៀវភៅស្នាក់នៅ ឬសៀវភៅគ្រួសារ ឬលិខិតឆ្លងដែន។
ការចាក់វ៉ាក់សាំងកូវីដ-១៩ ដល់កុមារ និងយុវវ័យដែលមានអាយុ ១២ឆ្នាំ ដល់អាយុក្រោម ១៨ឆ្នាំនេះ ត្រូវមានលិខិតព្រមព្រៀងអនុញ្ញាតឲ្យចាក់វ៉ាក់សាំងបង្ការកូវីដ-១៩ ជាលាយលក្ខណ៍អក្សរពីសំណាក់មាតាបិតា និងអាណាព្យាបាល ឬអ្នកគ្រប់គ្រងចំពោះកុមារកំព្រា និងអាជ្ញាធរមូលដ្ឋានចំពោះជនអនាថា។
ការចាក់ដូសទី១ ចាប់ផ្ដើមពីថ្ងៃទី០១ ដល់ថ្ងៃទី១៤ ខែសីហា ឆ្នាំ២០២១ និងដូសទី២ ចាប់ផ្ដើមពីថ្ងៃទី២២ ខែសីហា ដល់ថ្ងៃទី០៤ ខែកញ្ញា ឆ្នាំ២០២១។
ដកស្រង់ពី៖ Hello Health Group
