កង្វល់របស់ប៉ាម៉ាក់! កូនលេងទូរស័ព្ទច្រើន សាកវិធីនេះដឹងតែបាត់ដូចគេបេះ
បើទៅជាមានការស្រាជ្រាវជាច្រើនដែលបង្ហាញឲ្យដឹងពីឥទ្ធិពលអវិជ្ជមាននៃការប្រើប្រាស់ស្មាតហ្វូនច្រើន អាណាព្យាបាលនៅតែជួបការលំបាកក្នុងការបញ្ឈប់កូនៗក្នុងការប្រើស្មាតហ្វូនរបស់ពួកគេហួសការកំណត់ ។
តើមានវិធីអ្វីខ្លះដើម្បីបញ្ឍប់ឪ្យកូនលែងខ្វល់នឹងទូរស័ព្ធ?
ខាងក្រោមនេះគឺជាវិធីមួយចំនួនដែលឪពុកម្តាយអាចធ្វើតាមដើម្បីកាត់បន្ថយការប្រើប្រាស់ស្មាតហ្វូនរបស់កូនៗ៖
១. ធ្វើជាគំរូដល់កូនៗ
កូនៗតែងតែធ្វើត្រាប់តាមមនុស្សពេញវ័យដែលនៅជុំវិញខ្លួន ដូច្នេះប្រសិនបើអ្នកតែងតែមានស្មាតហ្វូនជាប់ដៃនោះភាគរយច្រើនគឺកូនអ្នកអាចនឹងធ្វើតាម ។ ដូច្នេះអ្នកគួរតែចាប់ផ្តើមទុកទូរស័ព្ទនឹងងាកទៅផ្តល់ការចាប់អារម្មណ៍លើកូនៗវិញ ព្រោះវាល្អទាំងស្រាប់ឪពុកម្តាយ និងកូនៗផងដែរ ។
២. ហាមមិនឲ្យប្រើទូរស័ព្ទពេលទទួលទានអាហារ
ពេលទទួលទានអាហារជាពេលដែលក្រុមគ្រួសារសំណេះសំណាលពីរឿងដែលកើតឡើងនៅថ្ងៃណាមួយ គម្រោងសម្រាប់ពេលអនាគត ឬរឿងកំប្លែងផ្សេងៗជាដើម ។ ប៉ុន្តែដើម្បីទទួលបានការសន្ទនាដូច្នេះ អ្នកត្រូវតែហាមមិនឲ្យមានការប្រើស្មាតហ្វូនក្នុងកំឡុងពេលទទួលទានអាហារឡើយ ព្រោះវាអាចបង្វែងចំណាប់អារម្មណ៍របស់អ្នកចេញពីក្រុមគ្រួសាររបស់អ្នក ។
៣. រៀបចំគម្រោងសម្រាប់សកម្មភាពក្រៅផ្ទះ
អ្នកមិនអាចប្រើស្មាតហ្វូនបានទេពេលដែលកំពុងលេងកីឡា ឬធ្វើសកម្មភាពផ្សេងៗទៀតដែលនៅក្រៅផ្ទះ ។ អ្នកគួរតែធ្វើជាគំរូដល់ក្រុមគ្រួសារដោយចេញធ្វើសកម្មភាពជាគ្រួសារ ហើយកូនៗរបស់អ្នកក៏អាចកាត់បន្ថយការអង្គុយចុចស្មាតហ្វូននៅមួយកន្លែងដែរ ។
៤. ហៅមិត្តរបស់កូនៗមកលេង
ក្មេងៗអាចនឹងប្រើស្មាតហ្វូនដើម្បីប្រាស្រ័យទាក់ទងជាមួយនឹងមិត្តភក្តិច្រើនជាងជួបគ្នាផ្ទាល់មុខ ។ ដូច្នេះក្នុងនាមជាឪពុកម្តាយ អ្នកគួរតែជំរុញដល់កូនៗឲ្យហៅមិត្តរបស់ពួកគេមកលេងផ្ទះ ។ អ្នកក៏អាចធ្វើពិធីជប់លៀងណាមួយដែលមិនអនុញ្ញាតឲ្យមានការប្រើប្រាស់ស្មាតហ្វូនផងដែរ ឬរៀបចំកម្មវិធីដែលធ្វើឲ្យក្មេងៗជាប់រវល់មិនអាចប្រើស្មាតហ្វូនរបស់ពួកគេបានជាដើម ៕
សរុបមក៖ ការប្រើទូរសព្ទច្រើនម៉ោង ឆ្អឹងជាលិកានិងស្រទាប់ការពារសម្រាប់សរីរាង្គ ដូចជាខួរក្បាលនៅតែស្គមស្គាំងចំពោះកុមារ។ វិទ្យុសកម្មអាចមានឥទ្ធិពលចម្លែកលើរាងកាយ វាប៉ះពាល់ផ្ទាល់ដល់ប្រព័ន្ធសរសៃប្រសាទផងដែរ។
