ប្រហែសមិនបានទេ! ម៉ាក់ៗខ្វះសារធាតុទាំងនេះ អាចធ្វើឲ្យកូនមានបញ្ហា
ទារកមួយចំនួនកើតមកជួបប្រទះបញ្ហាប្រព័ន្ធប្រសាទពីកំណើតមកតែម្តង ប៉ុន្តែការដែលកូនមានបញ្ហានេះ បណ្ដាលមកពីកត្តាអ្វី ដោយសារម្ដាយមានសុខភាពខ្សោយ ឬយ៉ាងណា?
តើមានសារធាតុធ្វីខ្លះដែលធ្វើឪ្យប៉ះពាល់ដល់ប្រពន្ធប្រសាទ?
ខាងក្រោមនេះជាការបកស្រាយរបស់គ្រូពេទ្យឯកទេសផ្នែកសម្ភព និងរោគស្ត្រី អំពីមូលហេតុពិតប្រាកដែលធ្វើឲ្យកូនមានប្រព័ន្ធប្រសាទមិនល្អ៖
ការដែលកូនមានបញ្ហាចេញពីក្នុងពោះមក ដោយសារតែម្ដាយថែទាំសុខភាពមិនបានល្អអំឡុងពេលពពោះ ខ្វះសារធាតុចិញ្ចឹមផ្សេងៗ មិនមែនបណ្ដាលមកពីពេលកំពុងពពោះនោះ ម្ដាយពិបាកចិត្ត ទើបកូនកើតមកមានបញ្ហា តែតាមពិត គឺមិនដូច្នោះទេ។
កូនកើតមកមានបញ្ហាពីកំណើត ភាគច្រើនបណ្ដាលមកកង្វះអ័រម៉ូន កង្វះវីតាមីន ឬកង្វះសារធាតុចិញ្ចឹមណាមួយដែលម្ដាយទទួលបានមិនគ្រប់គ្រាន់អំឡុងពេលពពោះ។
នៅកម្ពុជាយើងភាគច្រើនដែលនៅជនបទ មានបញ្ហាកង្វះអាហារូបត្ថម្ភ ពោលស្ត្រីពពោះទាំងនោះទទួលបានវីតាមីន ជាតិសាច់ បន្លែ ផ្លែឈើ ជាតិដែក មិនបានគ្រប់គ្រាន់។ នៅពេលម្ដាយពពោះទទួលបានសារធាតុចិញ្ចឹមមិនគ្រប់គ្រាន់ អាចបង្កជាហានិភ័យដល់គភ៌ ជាពិសេសធ្វើឲ្យប្រព័ន្ធប្រសាទរបស់កូនមិនល្អដូចក្មេងធម្មតា ឬបើប្រើពាក្យសាមញ្ញ គឺកូនមិនគ្រប់។
ដូចនេះហើយ ទើបពេលពពោះអ្នកម៉ាក់គួរ ញ៉ាំថ្នាំជាតិដែក ញ៉ាំជាតិអាស៊ីដហ្វូលិក និងញ៉ាំអាហារឲ្យបានគ្រប់គ្រាន់ ដើម្បីជួយទ្រទ្រង់ដល់សុខភាពកូនកុំឲ្យជួបបញ្ហាដែលអាចកើតឡើងពីកំណើត។ ម៉្យាងវិញទៀត ម៉ាក់ៗពពោះ ក៏មិនត្រូវកើតទុក្ខច្រើនដែរ ព្រោះវាអាចធ្វើឲ្យសុខភាពចុះខ្សោយ បណ្ដាលឲ្យឈឺនេះ ឈឺនោះ ហើយប្រសិនបើម្ដាយឈឺ ឬមានសុខភាពមិនល្អ កូននៅក្នុងក៏មិនអាចកើតមកមានសុខភាពល្អបានដែរ។
ប្រភព៖ Hello Health Group
