មិនអាចខ្វះបានទេ! ម៉ាក់ៗពេលផ្តាច់ដោះកូន កុំរំលងអាហារជំនួយទាំង ៦នេះ

ការផ្តាច់កូនពីទឹកដោះម្តាយគឺជារឿងសំខាន់ណាស់ ហើយជាទូទៅអ្នកម៉ាក់គួរតែបំបៅដោះកូនឱ្យបាន ៦ខែ គឺល្អបំផុតសម្រាប់ការលូតលាស់រាងកាយ និងខួរក្បាល។ ជាមួយគ្នានេះដែរ អ្នកម៉ាក់ត្រូវរៀបចំអាហារដែលសម្បូរសារធាតុចិញ្ចឹម និងអាហារូបត្ថម្ភឱ្យបានច្រើនសម្រាប់កូន ពិសេសអំឡុងពេលផ្តាច់ដោះ។

ខាងក្រោមនេះគឺអាហារជំនួយល្អៗ៦មុខ ដែលសាកសមសម្រាប់កូននៅពេលផ្តាច់ដោះម្តាយ៖

១. ផ្លែឈើ
ផ្លែឈើជាអាហារដ៏ល្អមួយសម្រាប់ពេលផ្តាច់ដោះកូន ព្រោះពួកវាសំបូរទៅដោយសារធាតុចិញ្ចឹមសំខាន់ៗដែលកូនត្រូវការ ជំនួសទឹកដោះម្តាយ។ លើសពីនេះ ផ្លែឈើមានរសជាតិផ្អែមល្អ និងជាតិស្ករធម្មជាតិ ដែលក្មេងចូលចិត្ត។

២. បន្លែ
បន្លែគឺជាអាហារចាំបាច់ណាស់នៅពេលផ្តាច់ដោះកូន ព្រោះសម្បូរសារធាតុចិញ្ចឹមច្រើន។ ត្រូវប្រាកដថាអ្នកលាងបន្លែបានស្អាត ហើយជ្រើសរើសបន្លែសរីរាង្គ ដែលគ្មានសារធាតុគីមី។ ដំឡូងបារាំង និងការ៉ុតឆ្អិនជាដើម គឺល្អណាស់សម្រាប់ក្មេងដែលទើបផ្តាច់ដោះ។

៣. ស៊ុបបន្លែ
ស៊ុបបន្លែ គឺជាអាហារពេញលេញសម្រាប់ទារក។ ពួកវាសម្បូរជាតិទឹកជាមូលដ្ឋាន ដែលជួយឱ្យកូនរបស់អ្នកមានជាតិទឹកល្អ ហើយថែមទាំងទទួលបានអាហារូបត្ថម្ភផងដែរ។

៤. គ្រាប់ធញ្ញជាតិ
គ្រាប់ធញ្ញជាតិគឺសំបូរទៅដោយប្រូតេអ៊ីន ដែលជាជម្រើសល្អសម្រាប់ប៉ាម៉ាក់ក្នុងការផ្តាច់កូនពីទឹកដោះម្តាយ។ វាមានសារធាតុចិញ្ចឹមច្រើន ដែលជំនួយដល់កុមារ ព្រមទាំងល្អសម្រាប់សុខភាព។

៥. បន្លែស្លឹកបៃតង
បន្លែស្លឹកបៃតង សំបូរទៅដោយជាតិដែក និងអំបិលរ៉ែផ្សេងៗ ដែលកូនរបស់អ្នកត្រូវការ ដើម្បីរក្សារាងកាយឱ្យដំណើរការក្នុងកម្រិតល្អបំផុត។ អ្នក​អាច​ស្ងោរ​បន្លែ​ស្លឹក​បៃតង​ដូច​ជា ស្ពៃ​ ស្លឹក​សណ្ដែក និង​ផ្សេងៗ កិន​ឱ្យកូនញ៉ាំជារៀងរាល់២ ឬ៣ ថ្ងៃម្តង។

៦. ស៊ុត
ស៊ុតសម្បូរទៅដោយប្រូតេអ៊ីន និងវីតាមីនសំខាន់ៗ ដែលជំនួយឆ្អឹងរបស់កូនអ្នក។ កុំភ្លេចចម្អិនស៊ុតឱ្យកូនញ៉ាំឱ្យបានច្រើន ជាពិសេសកំឡុងពេលផ្តាច់ដោះម្តាយ។

ជារួមមកវិញ ប៉ាម៉ាក់ត្រូវយកចិត្តទុកដាក់ក្នុងការផ្តាច់ដោះកូន និងជ្រើសរើសម៉ាកទឹកដោះសម្រាប់កូនឱ្យបានត្រឹមត្រូវ ពិសេសគឺរៀបចំរបបអាហារដែលមានសារធាតុចិញ្ចឹម និងអាហាររូបត្ថម្ភខ្ពស់សម្រាប់ការលូតលាស់របបស់កូន៕

ដកស្រង់ពី៖ Mom Junction